काठमाडौँ / नेपाल स्टक एक्सचेन्ज (नेप्से) दुईओटा विकास बैंकका ऋणपत्रहरु सूचीकृत भएका छन् । नेप्सेमा आज महालक्ष्मी विकास बैंक र लुम्बिनी विकास बैंकका ऋणपत्रहरु सूचीकृत भएका हुन् ।
महालक्ष्मीको ‘महालक्ष्मी डिबेन्चर–२०८९’ र लुम्बिनीको ‘एलबीबीएल डिबेन्चर–२०८९’ नामक ऋणपत्र सूचीकृत भएका छन् ।
महालक्ष्मी विकास बैंकको कुल १० लाख इकाइ ऋणपत्र नेप्सेमा सूचीकृत भएको छ । यो १० वर्षे अवधिको ऋणपत्र हो । यसमा लगानीकर्ता वार्षिक ११ प्रतिशत ब्याज पाउनेछन्।
त्यस्तै लुम्बिनी विकास बैंकको कुल १० लाख इकाइ ऋणपत्र नेप्सेमा सूचीकृत भएको छ । यो पनि १० वर्षे अवधिको ऋणपत्र हो ।
यसमा पनि लगानीकर्ता वार्षिक ११ प्रतिशत ब्याज पाउनेछन् । यी दुबै ऋणपत्रको कारोबार आइतवार देखि धितोपत्रको दोस्रो बजारमा कारोबारमा आउनेछन् ।
.gif)
