काठमाडौँ / काठमाडौँमा आज गोलभेडा र आलुको भाउ घट्दा काउली, बन्दा, बोडी, सिमीलगायतका तरकारीको भाउ भने बढेको छ । कालीमाटी फलफूल तथा तरकारी बजार विकास समितिले प्रकाशित गरेको मूल्यसूची अनुसार सानो लोकल गोलभेडाको भाउ प्रतिकेजी ८० रुपैयाँ रहेकोमा आज घटेर ७२ रुपैयाँ ५० पैसामा झरेको छ भने टनेल गोलभेडाको भाउ ८९ रुपैयाँ कायम भएको छ । 

त्यस्तै, सानो गोलभेडा (भारतीय)को मूल्य प्रतिकेजी ७५ रुपैयाँ कायम भएको छ भने रातो आलुको भाउ पनि घटेर ६७ रुपैयाँ ६७ पैसा कायम भएको छ । 

यता, बन्दाको भाउ भने प्रतिकेजी २५ रुपैयाँले बढेर ६५ रुपैयाँबाट बढेर ९० रुपैयाँ पुगेको छ भने तराई बन्दाको भाउ पनि ७५ रुपैयाँ पुगेको छ । यता, स्थानीय काउलीको भाउ ११५ रुपैयाँ पुगेको छ भने तराई काउलीको ९५ रुपैयाँ, तने बोडीको १५० रुपैयाँ, मटरकोशाको भाउ १३५ रुपैयाँ पुगेको छ । 

यसैगरी, सिमी प्रतिकेजी ११७ रुपैयाँ ६७ पैसा पुगेको छ भने राजमा सिमी १२५ रुपैयाँ, टाटे सिमी ११५ रुपैयाँ, परवर ९५ रुपैयाँ, लोकल काक्रो १३० रुपैयाँ र हाइब्रीड काक्रो ८५ रुपैयाँ निर्धारण गरिएको छ । 

विस्तृत तालिकामा हेर्नुस्