काठमाडौँ / मङ्गलबार सुनको मूल्य ह्वात्तै बढेको छ । नेपाल सुनचाँदी व्यवसायी महासङ्घका अनुसार आज सुनको मूल्य तोलामा १ हजार ९०० रुपैयाँ बढेको हो ।
यससँगै अब छापावाल सुनको मूल्य तोलामा १ लाख ६४ हजार ७०० रुपैयाँ पुगेको छ । गत शुक्रबारदेखि सोमबारसम्म सुनको मूल्य प्रतितोला १ लाख ६२ हजार ८०० रुपैयाँ थियो ।
यता, चाँदीको मूल्य पनि बढेको छ । सोमबार तोलामा १ हजार ८९५ रुपैयाँ कायम भएको चाँदीको मूल्य आज तोलामा ३५ रुपैयाँले बढेको हो ।
मङ्लबार बढेर चाँदी तोलामा १ हजार ९३० रुपैयाँ पुगेको छ ।
