प्रिमियर इन्टरनेसनल स्कूलको आयोजनामा बार्षिक इन्टरनेसनल लिटरेचर फेस्टिभल सम्पन्न भएको छ । गत बुधबारदेखि शुक्रबारसम्म आयोजित फेस्टिभल विद्यार्थी-नेतृत्वमा आधारित कार्यक्रम थियो । 

साहित्यको परिवर्तनकारी शक्तिको उत्सव मनाउँदै नेतृत्व, सृजनशीलता, र समालोचनात्मक सोचलाई प्रोत्साहित गर्ने उद्देश्यले फेस्टिभलको आयोजना गरिएको प्रिमियर इन्टरनेसनल स्कूलले जनाएको छ । 

उक्त फेस्टिभलले विद्यार्थीहरूलाई नेतृत्वदायी भूमिका ग्रहण गर्न, विविध दृष्टिकोणहरूसँग अन्तर्क्रिया गर्न, र विश्वव्यापी सोच भएका व्यक्तित्व बन्ने अवसर प्रदान गर्ने प्रतिबद्धतालाई उदाहरणस्वरूप प्रस्तुत गरेको आयोजकको दावी छ । 

तीन दिन लामो यो कार्यक्रमले विभिन्न कक्षाका विद्यार्थीहरूका लागि उपयुक्त गतिविधिहरू समेटेको थियो, जसमा कथा सुनाउने सत्र, प्यानल छलफल, अन्तरक्रियात्मक कार्यशालाहरू र प्रेरणादायक अतिथि सत्रहरू समावेश थिए।

विद्यार्थीहरूले विषयवस्तु योजना गर्नेदेखि व्यवस्थापनसम्मको सम्पूर्ण प्रक्रिया हाँक्दै, ठूला कार्यक्रमहरू व्यवस्थापन गर्नका लागि सहकार्य, टोली भावना, र आत्मविश्वास विकास गर्न मूल्यवान् अनुभव हासिल गरे। 

कार्यक्रमको बौद्धिक पक्षलाई थप बलियो बनाउन ‘बीट्विन द लाइन्स ः बायस इन लिटरेचर एन्ड द राइटर’स रिस्पोन्सिबिलिटी’ शीर्षकको प्यानल छलफल आयोजना गरियो। यो सत्रलाई त्रिभुवन विश्वविद्यालयका अंग्रेजी विभागका सह(प्राध्यापक महेश पौडेलले सञ्चालन गरे । 

प्यानल सदस्यहरू मीक्खा माथेमा, शरारेह बज्राचार्य, र बीना थेङले साहित्यले समाजका मान्यता र पूर्वाग्रहलाई कसरी प्रतिबिम्बित गर्छ भन्नेबारे छलफल गरे । 

विद्यार्थीहरूले आफ्ना धारणा र प्रश्नहरू प्रस्तुत गर्दैप्यानल सदस्यहरूको विचारहरूसँग गहिरो अन्तर्क्रिया गरे, जसले समालोचनात्मक र परावर्तनात्मक सोचलाई प्रोत्साहन गर्यो । 

प्रसिद्ध बाल साहित्यकार अनन्त वाग्लेलाई यस फेस्टिभलमा नेपाली साहित्यमा लामो समयसम्म गरेको अतुलनीय योगदानका लागिसम्मानित गरियो । उनको कथावाचन शैली र प्रभावकारी कथानक रचनाले बाल पाठकहरू र युवा लेखकहरूलाई प्रेरित गर्दै आलोचनात्मक सोच र कल्पनाशीलतालाई प्रोत्साहित गरेको छ। 

विद्यालयकी निर्देशक, पवित्रा लिम्बुले शिक्षिका र प्रशिक्षकहरूका लागि ‘द पावर अफ लिटरेचर’ शीर्षकको कार्यशाला आयोजना गरिन्। 

यो सत्र उपत्यकाका विभिन्न विद्यालयका शिक्षकहरूले सहभागिता जनाउँदै साहित्यले कसरी जिज्ञासा जगाउन, मन खोल्न, र परम्परागत पाठ्यपुस्तकभन्दा बाहिरको समालोचनात्मक सोचलाई प्रोत्साहित गर्नसक्छ भन्नेबारे छलफल गर्यो । 

कार्यशालाले जीवनभर सिक्ने संस्कृतिलाई प्रोत्साहन गर्नेर कलासँग गहिरो सम्बन्ध स्थापना गर्ने प्रिमियरको दृष्टिलाई अझ सुदृढ बनायो।प्रत्येक कक्षाका विद्यार्थीहरूका लागि उपयुक्त गतिविधिहरू सुनिश्चित गरिएको थियो ।

पूर्व-प्राथमिक तहका विद्यार्थीहरूले फ्रेन्च, स्पेनिश, अंग्रेजी, र नेपाली भाषामा बहुभाषिक कथावाचनको आनन्द लिए भने, कक्षा १ का विद्यार्थीहरूले ‘फेन्सी न्यान्सी’ कथाबाट असामान्य शब्दहरूको अन्वेषण गर्दैरचनात्मकता र जिज्ञासा जागृत गरे ।

कक्षा २ ले शब्दरहित कथाहरूको चित्रण कार्यशाला, कक्षा ३ ले परीकथाहरूको कालक्रम लिने, र कक्षा ४ ले टिकु गौचनको नेतृत्वमा पत्र लेखनको कलामा ध्यान केन्द्रित गरे । कक्षा ५ का विद्यार्थीहरूले छन्द कविताको लयात्मक सौन्दर्य पत्ता लगाए। 

ठूला कक्षाका विद्यार्थीहरूले गहिरो र समालोचनात्मक गतिविधिहरूमा सहभागी भए ।

कक्षा ६ ले काल्पनिक पात्रहरूका दृष्टिकोणमा प्यानल छलफलमा भाग लिए भने, कक्षा ७ ले पाठकको रूपमा आफ्नो विकासलाई प्रतिबिम्बित गर्ने ‘माई रिडिङ टाइमलाइन’ सिर्जना गरे । कक्षा ८ ले पुस्तकालय भ्रमणमा साहित्यमा पूर्वाग्रहहरू खोजी गरे ।

कक्षा ९ ले ‘साहित्यमा व्यंग्य’ विषयक सत्रमा विश्लेषणात्मक सोच र आलोचनात्मक दृष्टिकोणहरूलाई प्रोत्साहित गर्नेगरी चर्चित लेखकहरू पुरू लम्साल र अनन्त वाग्लेसँग अन्तरक्रिया गरे ।

सिनियर हाई स्कूलका विद्यार्थीहरूले साहित्यिक सृजनशीलताको लागिब्ल्याकआउट कविताहरू बनाए। फेस्टिभलको स्थल पुस्तक र खानेकुराका स्टलहरूले जीवन्त बनेको थियो । 

‘जुनकिरी नारीवादी पुस्तकालय,’ जसलाई भ्वाइस अफ वुमन मिडियाले व्यवस्थापन गरेको थियो, विद्यार्थीहरूबीच एकदम लोकप्रिय बन्यो । 

यसले विभिन्न दृष्टिकोणका पुस्तकहरूको विविध संग्रह प्रस्तुत गर्दै कार्यक्रममा थप गहिराइ थप्यो । विद्यार्थीहरूको प्रतिक्रिया फेस्टिभलको प्रभावलाई झल्काउँछ। 

आईबीडीपी वर्ष १ की आरशीया गोर्खालीले सहपाठीहरूलाई साहित्यसँग सृजनात्मक रूपमा अन्तर्क्रिया गरेको देख्दा खुशी लागेको बताइन्। 

एमवाईपी ४ की साची केडियाले यस कार्यक्रमले दृष्टिकोण विस्तार गर्नर व्यक्तिगत परावर्तनलाई प्रोत्साहित गर्न भूमिका खेलेको बताइन् ।

कक्षा ९ की जयनिपण्डितले यस फेस्टिभलले विद्यार्थीहरूलाई आफूलाई अन्वेषण गर्नर फरक दृष्टिकोणलाई बुझ्न अवसर दिएको बताइन् ।

आईबीडीपी वर्ष१  का शश्वत प्रताप श्रेष्ठले यो फेस्टिभललाई साहित्यको विविध दुनियाँमा प्रेरणादायी यात्रा भएको बताए ।
 
प्रिमियरको इन्टरनेसनल लिटरेचर फेस्टिभल केवल कथाको उत्सव मात्र होइन, यो नेतृत्व, सहकार्य, र समालोचनात्मक सोचको प्रवर्द्धन गर्ने विद्यालयको प्रतिबद्धताको प्रमाण हो ।

यस कार्यक्रमले विद्यार्थीहरूलाई नेतृत्वदायी भूमिका निभाउन र अन्तरक्रियात्मक सोचका साथ संलग्न हुन प्रेरित गर्यो, जसले उनीहरूलाई आत्मविश्वासी परिवर्तनकारी र विचारशील विश्व नागरिकका रूपमा विकसित गर्यो ।

फेस्टिभल अतिथिहरू, लेखकहरू, र सहभागीहरूको सम्मान गर्दै भावनात्मक समापन समारोहका साथ समाप्त भयो । साहित्यले मानिसहरूलाई प्रेरित गर्नर एकताबद्ध गर्नसक्ने शक्तिको यो उत्सवले दिर्घकालीन विरासत छोड्यो ।