काठमाडौँ / पोखरामा माउन्टेन ग्लोरी फोरेष्ट रिसोर्ट एण्ड स्पा सञ्चालन गर्दै आएको माउन्टेन ग्लोरी लिमिटेडले साधारण शेयर (आइपिओ) निष्काशन गर्ने भएको छ । कम्पनीले आइपिओ निष्काशनका लागि एलएस क्यापिटल लिमिटेड निष्काशन तथा बिक्री प्रबन्धकमा नियुक्त गरेको छ ।
कम्पनीले सर्वसाधारणको लागि एक सय रुपैयाँ अङ्कित दरको ४० कित्ता शेयर निष्काशनका लागि बिक्री प्रबन्धक नियुक्त गरेको हो ।
एलएस क्यापिटल लिमिटेड लक्ष्मी सनराइज बैङ्कको सहायक कम्पनी हो । साधारण शेयर निष्काशन सम्बन्धी सम्झौतामा कम्पनीको तर्फबाट अध्यक्ष सुनिलभक्त श्रेष्ठ तथा लक्ष्मी सनराइज क्यापिटल लिमिटेडको तर्फबाट प्रमुख कार्यकारी अधिकृत विजयलाल श्रेष्ठले हस्ताक्षर गरी सम्झौता पत्र आदाप्रदान गरेका हुन् ।
एशियन लाइफ इन्स्योरेन्स कम्पनी लिमिटेडको ४० प्रतिशत लगानी रहेको सो रिसोर्टले रकम ४० करोड रुपैयाँको साधारण शेयर निकट भविष्यमा निष्काशन गर्ने योजना रहेको जनाएको छ ।
शेयर निष्काशन पश्चात होटलमा कोठा थप गरी विदेशी होटलसंँग अनुबन्धन गरे पश्चात पाँच तारे होटलकोे रूपमा सेवा उपलब्ध गराउने योजना कम्पनीको छ । हाल यो कम्पनीको जारी पुँजी रु. १ अर्ब ५० करोड रहेको छ ।
माउन्टेन ग्लोरी लिमिटेडले विगत ८ वर्षदेखि पोखराको दोभिल्लास्थित करिब ७० रोपनी क्षेत्रफलमा फैलिएको ६४ कोठासहित विशेष सुविधा सम्पन्न माउन्टेन ग्लोरी फोरेष्ट रिसोर्ट एण्ड स्पा सञ्चालन गर्दै आएको छ ।
.gif)
