काठमाडौं / पोखरा एभेन्जर्सले नेपाल प्रिमियर लिग (एनपीएल) का लागि अमेरिकाका विकेटकिपर तथा ब्याटर आन्द्रेस गौसलाई अनुबन्ध गरेको छ । उनी एनपीएलमा आबद्ध हुने पहिलो विदेशी खेलाडी बने ।
एनपीएल १५ मंसिरबाट ६ पुससम्म हुँदै छ । त्यसका लागि पोखराले ३० वर्षीय गौसलाई अनुबन्ध गरेको हो । दायाँ हाते ब्याटरले उमेर समूहमा दक्षिण अफ्रिकाका लागि खेलेका थिए ।
उनले अमेरिकाबाट २० अन्तर्राष्ट्रिय खेलमा ५९८ रन बनाएका छन् । अमेरिकाबाट तीन एकदिवसीय खेल्दा १५२ रन बनाएका छन् । उनले सन् २०२४ मा क्यानाडाविरुद्ध डेब्यू गर्दै अमेरिकाको प्रतिनिधित्व गरेका थिए ।
पोखरा एभन्जर्सका मालिक सुवोध त्रिपाठीले गौसलाई उच्च प्रदर्शनका लागि शुभकामना दिएका छन् ।
पहिलोपटक नेपालमा लिग खेल्न लागेका गौसले उत्साहित रहेको बताए ।
यसअघि, पोखराले इन्डियन प्रिमियर लिग (आईपिएल)मा चेन्नई सुपर किङ्सको प्रतिनिधित्व गरिसकेका राजीव कुमारलाई मुख्य प्रशिक्षकमा नियुक्त गरेको थियो ।
उनी चेन्नई सुपर किङ्सका ब्याटिङ र फिल्डिङ प्रशिक्षक हुन् । पोखराको मार्की खेलाडीमा नेपाल राष्ट्रिय क्रिकेट टोलीका ओपनर कुशल भुर्तेल रहेका छन् ।
.gif)
