काठमाडौँ / अविरल बर्षाको कारण बाढी पहिरोले काठमाडौँ जोड्ने सडक अवरुद्ध भएयता काठमाडौँमा तरकारीको मूल्य आकाशिएको छ । कालीमाटी फलफूल तथा तरकारी बजार विकास समितिको मूल्यसूची अनुसार आज पनि गोलभेडा, आलु, प्याज, काक्रोदेखि ब्रोकाउलीसम्मको भाउ बढेको हो । 

ठूलो गोलभेडा (भारतीय) को मूल्य प्रतिकेजी १४५ रुपैयाँ पुगेको छ भने सानो लोकल गोलभेडा ९५ रुपैयाँ, रातो आलु ८२ रुपैयाँ ६७ पैसा, रातो आलु (भारतीय) ५७ रुपैयाँ ६७ पैसा, मुडेको रातो आलु ७७ रुपैयाँ ६७ पैसा र सुकेको प्याजको भाउ १२७ रुपैयाँ ६७ पैसा तोकिएको छ । 

त्यस्तै, लोकल गाजर प्रतिकेजी १५५ रुपैयाँ, तराई गाजर १३५ रुपैयाँ, भन्टा ७५ रुपैयाँ, भटमासकोशा ८५ रुपैयाँ, तितो करेला ११० रुपैयाँ, घिरौला ११० रुपैयाँ, स्कूस ४५ रुपैयाँ, कन्य च्याउ १९० रुपैयाँ, डल्ले च्याउ ३८३ रुपैयाँ ३३ पैसा, ब्रोकाउली १४८ रुपैयाँ ३३ पैसा, लोकल काक्रो ९५ रुपैयाँ, सुकेको खुर्सानी ४२६ रुपैयाँ ६७ पैसा, हरियो खुर्सानी १३५ रुपैयाँ र अकबरे खुर्सानी २९० रुपैयाँ पुगेको छ । 

विस्तृतमा हेर्नुस्