काठमाडौँ / नेपाली बजारमा शुक्रबार सुनको मूल्यले रेकर्ड ब्रेक गरेको छ । नेपाल सुनचाँदी व्यवसायी महासंघका अनुसार अघिल्लो दिनको तुलनामा छापावाल सुनको मूल्य तोलामा ३ हजार रुपैयाँले बढेर बढ्दै १ लाख ५६ हजार ३०० रुपैयाँ पुगेको हो ।
यो मूल्य हालसम्मकै उच्च हो । बिहीबार तोलामा १ लाख ५३ हजार ३०० रुपैयाँ कायम भएको सुनको मूल्य आज एकै दिन ३ हजार रुपैयाँले बढेको छ ।
पछिल्लो समय सुनको मूल्य निरन्तर उकालो लाग्दै आएको छ । बुधबार मात्रै सुनको मूल्यले १ लाख ५३ हजार ४ सय रुपैयाँले बढेर नयाँ रेकर्ड बनाएको थियो ।
अन्तर्राष्ट्रिय बजारमै मूल्यवृद्धिका साथै आन्तरिक बजारमा सुनको भन्सार बढाइएका कारण मूल्यमा प्रभाव देखिएको बताइएको छ ।
यता, शुक्रबार चाँदीको मूल्य पनि प्रतितोला ५५ रुपैयाँले बढेर १ हजार ८६० रुपैयाँ कायम भएको छ । अघिल्लो दिन बिहीबार चाँदीको मूल्य तोलामा १ हजार ७९५ रुपैयाँ कायम भएको थियो ।
.gif)
