काठमाडौँ / बुधबार सुनको मूल्य हालसम्मकै उच्च कायम भएको छ । नेपाल सुनचाँदी व्यवसायी महासङ्घका अनुसार सुनको भाउ प्रतितोला ८ सय रुपैयाँले बढेर हालसम्मकै उच्च बनेको हो ।
यसअघि भदौ ५ गते बुधबार १ लाख ५३ हजार रुपैयाँ कायम भई कीर्तिमान कायम गरेको सुनको मूल्यले आज उक्त रेकर्ड तोड्दै नयाँ कीर्तिमान बनाएको हो ।
मङ्गलबार सुनको भाउ प्रतितोला १ लाख ५२ हजार ३ सय रुपैयाँ कायम भएको थियो ।
आज भने प्रतितोला १ लाख ५३ हजार १ सय रुपैयाँ कायम भएको छ । अन्तर्राष्ट्रिय बजारमा मूल्य बढेसँगै नेपाली बजारमा पनि सुनचाँदीको मूल्य बढिरहेको छ ।
नेपाली बजारमा सुनचाँदी कारोबारको सिजन सुरु भइसक्दा पनि मूल्य बढेका कारण बजार सुनसान रहेको व्यवसायहरूले गुनासो गर्दै आएका छन् ।
यता, चाँदी प्रतितोला ५ रुपैयाँले बढेको छ । यसअघि प्रतितोला १ हजार ८ सय ५० रुपैयाँ रहेको चाँदीलाई आज १ हजार ८ सय ५५ रुपैयाँ पर्नेछ ।
.gif)
