काठमाडौँ / साताको अन्तिम कारोबार शुक्रबार पनि सुनको मूल्यले नयाँ रेकर्ड बनाएको छ । अघिल्लो कारोबार दिन बिहीबार मात्रै सर्वाधिक बढी प्रतितोला १ लाख ४४ हजार पुगेको सुनको भाउले शुक्रबार नै रेकर्ड ब्रेक गर्दै नयाँ रेकर्ड बनाएको हो ।
शुक्रबार प्रतितोला १ हजार रुपैयाँले बढेको सुनको भाउ १ लाख ४५ हजार रुपैयाँ पुगेको छ । त्यस्तै, तेजावी सुन प्रतितोला १ लाख ४३ हजार ३ सय रुपैयाँबाट बढेर १ लाख ४४ हजार ३ सय रुपैयाँ पुगेको छ । अन्तर्राष्ट्रिय बजारमा बढेपछि नेपाली बजारमा पनि सुन महँगिएको नेपाल सुनचाँदी महासङ्घले जनाएको छ ।
यता, चाँदी पनि प्रतितोला ५० रुपैयाँले बढेर १ हजार ९ सय रुपैयाँ पुगेको छ । यसअघि प्रतितोला १ हजार ८ सय ५० रुपैयाँ पर्ने चाँदीलाई आज १ हजार ९ सय रुपैयाँ पर्नेछ ।
.gif)
