काठमाडौँ / मौसम पूर्वानुमान महाशाखाका अनुसार नेपालमा स्थानीय वायु तथा भारतको उत्तर प्रदेश आसपास रहेको न्यून चापीय प्रणालीको आंशिक प्रभाव रहेको छ। 

गण्डकी र लुम्बिनी प्रदेशलगायत आंशिकदेखि साधारणतया बदली रही बाँकी भूभागमा आंशिकदेखि मौसम मुख्यतया सफा रहेको छ । 

गण्डकी प्रदेशको पहाडी भूभागका थोरै स्थानहरुमा, लुम्बिनी प्रदेशको तराई भूभागका एक-दुई स्थानमा मेघगर्जन र चट्याङ्गसहित हल्का  मध्यम वर्षा भैरहेको छ ।

आइतबार दिउँसो कोशी, गण्डकी, लुम्बिनी र कर्णाली प्रदेश लगायत देशको पहाडी भूभागका थोरै स्थानहरूमा तथा बाँकी भूभागका एक–दुई स्थानमा मेघगर्जन, चट्याङ्ग, हावाहुरीसहित मध्यम वर्षाको सम्भावना रहेको छ। 

आइतबार राति कोशी, मधेश, बागमती, गण्डकी  र कर्णाली प्रदेश लगायत देशको पहाडी भूभागमा आंशिकदेखि बदली रहनेछ । 

कोशी प्रदेशका थोरै स्थानहरूमा मेघगर्जन, चट्याङ्ग र हावाहुरीसहित मध्यम बर्षा तथा मधेश र सुदूरपश्चिम प्रदेशलगायत बाँकी पहाडी भूभागका एक-दुई स्थानमा मेघगर्जन, चट्याङ्ग र हावाहुरीसहित हल्का वर्षाको सम्भावना रहेको छ। 

सोमबार कोशी, मधेश, बागमती र गण्डकी प्रदेशलगायत देशको पहाडी भूभागमा साधारणतया बदली रहने छ। 

कोशी, मधेश र बागमती प्रदेशका केही स्थानहरूमा, गण्डकी र लुम्बिनी प्रदेशका थोरै स्थानहरूमा तथा बाँकी पहाडी भूभागका एक–दुई स्थानमा मेघगर्जन, चट्याङ्ग र हावाहुरीसहित मध्यम वर्षाको सम्भावना रहेको छ।

सोमबार राति कोशी प्रदेशमा पूर्ण बदली, मधेश, बागमती र गण्डकी प्रदेश लगायत बाँकी पहाडी भूभागमा आंशिक बदली रहने छ। 

कोशी प्रदेशका केही स्थानहरूमा, गण्डकी प्रदेशका थोरै स्थानहरूमा मेघगर्जन, चट्याङ्ग र हावाहुरीसहित मध्यम बर्षा तथा पहाडी भूभागका एक-दुई स्थानमा मेघगर्जन, चट्याङ्ग र हावाहुरी सहित हल्का वर्षाको सम्भावना रहेको छ। 

मङ्गलबार कोशी प्रदेशमा पूर्ण बदली, मधेश, बागमती, गण्डकी प्रदेशलगायत बाँकी पहाडी भूभागमा साधारणतया बदली रहनेछ । 

कोशी र बागमती प्रदेशका केही स्थानहरूमा मेघगर्जन, चट्याङ्ग र हावाहुरीसहित मध्यम बर्षा तथा मधेश प्रदेश लगायत बाँकी पहाडी भूभागका थोरै स्थानहरुमा मेघगर्जन, चट्याङ्ग र हावाहुरीसहित हल्का वर्षाको सम्भावना रहेको छ। 

मङ्गलबार राति कोशी प्रदेशमा पूर्ण बदली, मधेश र बागमती प्रदेश लगायत बाँकी पहाडी भूभागमा बदली रहनेछ । 

कोशी प्रदेशका केही स्थानहरूमा र मधेश प्रदेशलगायतका पहाडी भूभागमा मेघगर्जन, चट्याङ्ग र हावाहुरीसहित हल्कादेखि मध्यम बर्षा  सम्भावना रहेको छ। 

उच्च पहाडी तथा हिमाली भूभागका एक-दुई स्थानमा हल्का हिमपातको सम्भावना रहेको छ। 

मेघगर्जन, चट्याङ्ग र हावाहुरीसहित मध्यम वर्षाको सम्भावना र हल्का हिमपातको सम्भावना रहेको क्षेत्रमा आवश्यक सतर्कता अपनाउनु मौसमविद्ले अनुरोध गरेको छ ।