काठमाडौँ / नेपाली बजारमा आज सोमबार सुनचाँदीको मूल्यमा गिरावट आएको छ । नेपाल सुनचाँदी व्यवसायी महासङ्घका अनुसार आइतबारको तुलनामा आज सुनको भाउ प्रतितोला ३ सय रुपैयाँ र चाँदी १० रुपैयाँले घटेको हो ।
आइतबार छापावाल सुन प्रतितोला १ लाख ३८ हजार ४ सय रुपैयाँ रहेकोमा सोमबार घटेर १ लाख ३८ हजार १ सय रुपैयाँ कायम भएको छ । यसैगरी, तेजावी सुन प्रतितोला १ लाख ३७ हजार ७ सय ५० रुपैयाँ रहेकोमा आज घटेर १ लाख ३७ हजार ४ सय ५० रुपैयाँमा झरेको छ ।
यता, चाँदी प्रतितोला १० रुपैयाँले घटेर प्रतितोला १ हजार ७ सय १५ रुपैयाँ कायम भएको महासङ्घले जनाएको छ । यसअघि चाँदी १ हजार ७ सय २५ रुपैयाँमा कारोबार भएको थियो ।
.gif)
