काठमाडौँ / टिसिएल इलेक्ट्रोनिक्सले गुणस्तरीय र अत्याधुनिक प्रविधिका साथ घरेलु मनोरञ्जनका लागि टिसिएल ब्रान्डका साउन्डबार नेपाली बजारमा ल्याएको छ ।

विश्वव्यापी अग्रणी ब्रान्ड टिसिएल अडिओ क्वालिटीलाई अझै राम्रो बनाउन साउन्डबारहरु नेपालमा ल्याएको जनाएको छ । टिसिएलका साउन्डबारहरूले मनपर्ने चलचित्रहरू, संगीत र टिभी कार्यक्रमहरूको ध्वनिलाई उत्कृष्ट क्वालिटी प्रदान गर्ने टिसिएल इलेक्ट्रोनिक्सले दाबी गरेको छ ।

उक्त साउन्डबारहरूमा वायरलेस सबवुफरले अति राम्रो क्वालिटीको बेस थप्नुको साथै घरमा थियटरकै वातावरणको महसुस गराउँछ । अनावश्यक तारहरु हटाउँदै ब्लुटुथमार्फत वायरलेसको काम साउन्डबारहरूले गर्नेछ ।

टिसिएलका एस ६४३ डब्लु, एस ५२२ डब्लु र एस ३३२ डब्लु गरी तीन मोडलका साउन्डबारहरु नेपाली बजारमा उपलब्ध रहेको र यसले सहजरूपमा हरेक डिभाइससँग टिसिएलका साउन्डबार जोडेर झन्झटबिना आफूलाई मनपर्ने धुनहरूको आनन्द लिन सकिने विश्वास कम्पनीले लिएको छ ।