काठमाडौँ / आज एकैदिन नेपाली बजारमा सुनको मूल्य प्रतितोला १३ सय रुपैयाँले घटेको छ भने चाँदी प्रतितोला १५ रुपैयाँले घटेको छ ।
नेपाल सुनचाँदी व्यवसायी महासंघले गत साताको शुक्रबारको तुलनामा आज सुन–चाँदीको मूल्य घटेको जानकारी दिएको हो ।
आज छापावाल सुनको मूल्य तोलामा १ लाख १७ हजार ८०० रुपैयाँ कायम छ । यस्तै, तेजाबी सुनको मूल्य १ लाख १७ हजार २५० रुपैयाँ कायम छ ।
अघिल्लो कारोबारको दिन अर्थात गत साताको शुक्रबार छापावाल सुनको मूल्य तोलामा १ लाख १९ हजार १०० रुपैयाँ कायम थियो ।
यस्तै, आज चाँदीको मूल्य १४ सय ५५ रुपैयाँ कायम भएको छ । गत साताको शुक्रबार चाँदीको मूल्य तोलामा १४ सय ७० रुपैयाँ कायम थियो । यो १५ रुपैयाँको गिरावट हो ।
.gif)
