काठमाडौँ / साताको अन्तिम कारोबार दिन अर्थात् आज शुक्रबार नेपाली बजारमा सुन–चाँदीको मूल्य बढेको छ।
नेपाल सुन–चाँदी व्यवसायी महासंघको अनुसा आज बजारमा सुनको मूल्य प्रतितोला तीन सय रूपैयाँ बढेको हो। अघिल्लो दिन अर्थात् बिहीबार सुनको मूल्य प्रतितोला २ हजार ८ सय रूपैयाँ बढेको थियो ।
महासंघका अनुसार आज छापावाल सुन प्रतितोला एक लाख १९ हजार एक सय रूपैयाँ र तेजाबी सुन प्रतितोला एक लाख १८ हजार पाँच सय ५० रूपैयाँमा कारोबार भइरहेको छ।
बिहीबार छापावाल सुन प्रतितोला एक लाख १८ हजार आठ सय रूपैयाँ र तेजाबी सुन प्रतितोला एक लाख १८ हजार दुई सय ५० रूपैयाँमा कारोबार भएको थियो।
आज शुक्रबार चाँदीको मूल्य पनि बढेको छ। बिहीबार प्रतितोला १४ सय ५५ रूपैयाँमा कारोबार भएको चाँदी शुक्रबार १४ सय ७० रूपैयाँमा किनबेच भइरहेको छ। यो मूल्य अघिल्लो दिनको तुलनामा प्रतितोला १५ रूपैयाँ बढेको हो।
.gif)
