काठमाडौँ / दशैँ शुरु भएसँगै खसीबोका र च्याङ्ग्राको व्यापार सुरु भएको छ । व्यापारी र किसानले खसी बोका र च्याङ्ग्राको बिक्री सुरु गरिसकेको छ भने खाद्य व्यवस्था तथा व्यापार कम्पनीले पनि भोलि मङ्गलबारदेखि बिक्री सुरु गर्ने भएको छ ।
खाद्यले काठमाडौँ ल्याइएका खसी, बोका र च्याङ्ग्रा खाद्य व्यवस्था तथा व्यापार कम्पनीको बाग्मती प्रदेशिक कार्यालय थापाथलीबाट बिक्री गर्ने तयारी गरेको छ । सरकारले खाद्यबाट खरिद गरेर बिक्री गरिने खसी, बोका र च्याङ्ग्रामा प्रतिकिलो १० रुपैयाँ छुट दिने घोषणा गरिसकेको छ । कम्पनीले यस वर्ष २ हजार खसी, बोका र एक हजार च्याङ्ग्रा काठमाण्डौ ल्याएर बेच्ने तयारी गरेको छ ।
खाद्य व्यवस्था तथा व्यापार कम्पनीले सहुलियतमा बिक्री गर्ने जिउँदो खसीबोकाको मूल्य प्रतिकिलो ६८० रुपैयाँ तोकिएको छ । यस्तै, जिउँदो च्याङ्ग्राको मूल्य १२ सय ६० रुपैयाँ प्रतिकिलो कायम रहेको कम्पनीकी प्रवक्ता शर्मिला न्यौपाने जानकारी दिइन् ।
.gif)
