काठमाडौँ / सानिमा बैंकको लाभांश सुरक्षित गर्ने आज अन्तिम दिन हो ।

आजसम्म कायम रहेका सेयरधनीले कम्पनीले तोकेको लाभांश पाउनेछन् भने साधारणसभामा भाग लिन पाउनेछन् । बैंकले आगामी साधारणसभाका लागि सोमबार (भोली) बुक क्लोज गर्ने छ ।

बैंकले कात्तिक २ गते साधारणसभा बोलाएको छ । बैंकले सेयरधनीलाई ९ प्रतिशत बोनस सेयर र कर प्रयोजनसहित ५.७० प्रतिशत नगद लाभांश दिने प्रस्ताव गरेको छ । यो प्रस्ताव सभाले पारित गरेपछि सेयरधनीले पाउनेछन् ।

यस्तो छ सानिमा बैंकको १५ बर्षे लाभांश इतिहास, कुन आर्थिक बर्षमा कति ? 

बैंकले १५ वर्षमध्ये दुई आर्थिक वर्षहरु २०७१/७२ र आव २०७५/७६ मा २० प्रतिशतभन्दा धेरै लाभांश वितरण गरेको छ । यस्तै चार आर्थिक वर्षहरुमा आव २०७७/७८, २०७३/७४, २०७२/७३ र २०७०/७१ मा १५ प्रतिशतभन्दा धेरै तथा पाँच आर्थिक वर्षमा दश प्रतिशतभन्दा धेरै पन्ध्र प्रतिशतभन्दा कम प्रतिफल लगानीकर्तालाई वितरण गरेको छ ।

यसैगरी बैंकले गत आव २०७९/८०, २०७८/७९, २०७६/७७, २०७४/७५ र २०६९/७० मा बैंकले दश देखि पन्ध्र प्रतिशतको बीचमा लाभांश वितरण गरेको थियो । यस्तै बैंकले दुई आर्थिक वर्षहरु २०६७/६८ र २०६८/७९ मा सिंगल डिजिटमा लाभांश वितरण गरेको छ ।

१. आर्थिक वर्ष २०६५/६६– आर्थिक वर्ष २०६५/६६ मा बैंकले सेयरधनीहरुलाई ५ प्रतिशत लाभांश वितरण गरेको थियो । उक्त आर्थिक बर्षमा बैंकले बोनस सेयर मात्रै वितरण गरेको थियो ।

२. आर्थिक वर्ष २०६६/६७– आर्थिक वर्ष २०६६/६७ मा १० प्रतिशत लाभांश वितरण गरेको थियो । उक्त आर्थिक बर्षमा बैंकले नगद लाभांश भने वितरण नगरि बोनस सेयर मात्रै वितरण गरेको थियो । 

३. आर्थिक वर्ष २०६७/६८– आर्थिक वर्ष २०६७/६८ मा बैंकले आफ्ना सेयरधनीहरूलाई ६.५ प्रतिशत नगद वितरण गरेको थियो । यो वर्ष बैंकले बोनस वितरण गरेको थिएन ।

४. आर्थिक वर्ष २०६८/६९– आर्थिक वर्ष २०६८/६९ मा बैंकले आफ्ना सेयरधनीहरूलाई ५.५ प्रतिशत नगद वितरण गरेको थियो । यो वर्ष पनि बैंकले बोनस वितरण गरेको थिएन ।

५. आर्थिक वर्ष २०६९/७०– आर्थिक वर्ष २०६९/७० मा बैंकले आफ्ना सेयरधनीहरूलाई १० प्रतिशत बोनस र ०.५३ प्रतिशत नगद गरि कूल १०.५३ प्रतिशत लाभांश वितरण गरेको थियो ।
 
६. आर्थिक वर्ष २०७०/७१– आर्थिक वर्ष २०७०/७१ मा बैंकले आफ्ना सेयरधनीहरूलाई १५ प्रतिशत बोनस र ०.७९ प्रतिशत नगद गरि कूल १५.७९ प्रतिशत लाभांश वितरण गरेको थियो ।

७. आर्थिक वर्ष २०७१/७२– आर्थिक वर्ष २०७१/७२ मा बैंकले आफ्ना सेयरधनीहरूलाई २० प्रतिशत बोनस र १.०५ प्रतिशत नगद गरि कूल २१.०५ प्रतिशत लाभांश वितरण गरेको थियो ।

८. आर्थिक वर्ष २०७२/७३– आर्थिक वर्ष २०७२/७३ मा बैंकले आफ्ना सेयरधनीहरूलाई १५ प्रतिशत बोनस र ०.७९ प्रतिशत नगद गरि कूल १५.७९ प्रतिशत लाभांश वितरण गरेको थियो ।

९. आर्थिक वर्ष २०७३/७४– आर्थिक वर्ष २०७३/७४ मा बैंकले आफ्ना सेयरधनीहरूलाई १६ प्रतिशत बोनस वितरण गरेको थियो । यो वर्ष बैंकले नगद दिएको थिएन ।

१०. आर्थिक वर्ष २०७४/७५– आर्थिक वर्ष २०७४/७५ मा बैंकले आफ्ना सेयरधनीहरूलाई १४ प्रतिशत नगद वितरण गरेको थियो । यो वर्ष बैंकले बोनस दिएको थिएन । 

११. आर्थिक वर्ष २०७५/७६– आर्थिक वर्ष २०७५/७६ मा बैंकले आफ्ना सेयरधनीहरूलाई १० प्रतिशत बोनस र ११.०५ प्रतिशत नगद गरि कूल २१.०५ प्रतिशत लाभांश वितरण गरेको थियो ।

१२. आर्थिक वर्ष २०७६/७७– आर्थिक वर्ष २०७६/७७ मा बैंकले आफ्ना सेयरधनीहरूलाई १० प्रतिशत बोनस र ३.६ प्रतिशत नगद गरि कूल १३.६ प्रतिशत लाभांश वितरण गरेको छ ।

१३. आर्थिक वर्ष २०७७/७८– आर्थिक वर्ष २०७७/७८ मा बैंकले सेयरधनीहरुलाई १७ प्रतिशत बोनस सेयर र ०.८९४७ प्रतिशत नगद गरी कूल १७.८९४७ प्रतिशत लाभांश वितरण गरेको थियो । 

१४. आर्थिक वर्ष २०७८/७९– अघिल्लो आर्थिक वर्ष २०७८/७९मा बैंकले सेयरधनीहरुलाई १० प्रतिशत बोनस सेयर र ०.९८ प्रतिशत नगद गरी कुल १०.९८ प्रतिशत लाभांश वितरण गरेको थियो ।

१५. आर्थिक वर्ष २०७९/८०– आर्थिक वर्ष मा २०७९/८० बैंकले गत वर्षको मुनाफाबाट सेयरधनीहरूलाई १४.७० प्रतिशत लाभांश वितरण गर्ने घोषणा गरेको छ। ९ प्रतिशत बोनस र कर प्रयोजनका लागि ५.७० प्रतिशत नगद लाभांश गरी कुल १४.७० प्रतिशत लाभांश दिने निर्णय गरेको हो।

१५ बर्ष अवधीमा सानीमा बैंकले वितरण गरेको लाभांश प्रतिशतमा