काठमाडौँ / नेपाल स्टक एक्सचेन्ज (नेप्से) मा दुई वाणिज्य बैंकको शेयरमूल्य समायोजन भएको छ। नेप्सेमा एनआइसी एशिया बैंक र एभरेष्ट बैंकको शेयरमूल्य समायोजन भएको हो ।
यी दुवै बैंकहरूले साधारण सभा तथा लाभांश प्रयोजनका लागि बुक क्लोज गरेसँगै नेप्सेले नयाँ मुल्य निर्धारण गरी मुल्य समायोजन गरेको हो ।
नेप्सेले एनआइसी एशिया बैंकको शेयरमूल्य समायोजन गरी प्रतिकित्ता ५९० रुपैयाँ ३१ पैसा कायम गरेको छ। बैंकले गत आर्थिक वर्षको नाफाबाट शेयरधनीहरुलाई २९ प्रतिशत बोनश शेयर वितरण गर्ने प्रस्ताव गरेको छ ।
त्यस्तै, नेप्सेले एभरेष्ट बैंकको १० प्रतिशत बोनश शेयर पछि शेयरमूल्य समायोजन गरी ५१४ रुपैयाँ ५५ पैसा कायम गरेको छ। आजबाट यी दुबै बैंकको समायोजित मूल्यलाई आधार मानेर नेप्सेमा कारोबार खुल्नेछ।
.gif)
