काठमाडौँ / माण्डु हाइड्रोपावर लिमिटेडको आइपिओ बाँडफाँट भएको छ । १ लाख २० हजार सेयर निष्कासन तथा बिक्री प्रबन्धक प्रभु क्यापिटल लिमिटेडको कार्यालयमा गोलाप्रथाद्वारा आइपिओ बाँडफाँट भएको हो ।
मागभन्दा बढी आवेदन परेकोले गोलाप्रथा प्रक्रियामार्फत आइपिओ बाँडफाँट गरिएको कम्पनीले जनाएको छ । आवेदन दिनेमध्ये कुल १ लाख २० हजार ५३२ आवेदकले १० कित्ताका दरले कम्पनीको सेयर प्राप्त गरेका छन् ।
कम्पनीले भदौ १० गते देखि १३ गते सम्म सर्वसाधारणको लागि १२ लाख ५ हजार ३२० कित्ता सेयर प्रिमियम मूल्यमा निष्कासन गरेको थियो । कम्पनीले अंकित मूल्यमा १०६ रुपैयाँ थप गरी प्रतिकित्ता २०६ मा आइपिओ निष्कासन गरेको हो । सो आइपिओमा कुल १० लाख १६ हजार ७१४ आवेदन परेको थियो ।
