काठमाडौँ / माई खोला हाइड्रोपावर लिमिटेडले शत प्रतिशत हकप्रद निस्कासनको प्रस्तावसहित वार्षिक साधारणसभा आह्वान गरेको छ ।
कम्पनीले आगामी असोज ९ गते काठमाडौँको धुम्बाराहीस्थित लर्ड पार्टी भेन्यूमा साधारणसभा आह्वान गरेको हो ।
साधारणसभामा हाल कायम चुक्ता पूँजीको शत प्रतिशत हकप्रद शेयर निस्कासन लगायतका अजेण्डाहरू प्रस्तुत हुनेछन् । हाल यो कम्पनीको चुक्ता पूँजी ३१ करोड २१ लाख रुपैयाँ छ ।
त्यस्तै सभाले हकप्रदबाहेक आर्थिक वर्ष २०७९/८० को वार्षिक प्रतिवेदन छलफल गरी पारित गर्ने, लेखापरीक्षकको प्रतिवेदन पास गर्ने, सञ्चालक समितिले गरेका निर्णयहरू अनुमोदन गर्ने, कम्पनीको ठेगाना परिवर्तन गर्ने लगायतका प्रस्तावहरू पारित गर्नेछ ।
साधारणसभा प्रयोजनका लागि असोज १ गतेलाई बुक क्लोजको मिति तोकेको छ । यस बुक क्लोजको आधारमा भदौ ३१ गतेसम्म कायम शेयरधनी साधारणसभामा भाग लिन पाउनेछन् ।
