काठमाडौँ / बीवाईडी इन्डियाले भारत मोबिलिटी ग्लोबल एक्स्पो २०२५ मा बीवाईडी सीलायन ७ पियर पर्फरमेन्स ईएसयूभीको आधिकारिक रूपमा सार्वजनिक गरेको छ । ईलेक्ट्रिक सवारी साधनको दुनियाँमा फड्को मार्ने विश्वास गरिएको यसको बुकिङ खुला भइसकेको छ ।
प्रवर्द्धनात्मक बुकिङ अफरअन्तर्गत भारतीय रुपैयाँ ७० हजार छुटसहित फेब्रुअरी १७ सम्म उपलब्ध विशेष लाभहरूसहित इलेक्ट्रिक एसयूभीका लागि बुकिङ गर्न सकिनेछ ।
उक्त अफरअन्तर्गत ७० हजार रुपैयाँ छुट, ७ बर्षको वारेन्टी र निःशुल्क ७ किलोवाटको एसी चार्जरसहित विशेष सुविधा पनि पाइने कम्पनीले जनाएको छ । कम्पनीले अर्को महिना गाडीको मूल्य घोषणा गर्ने योजना बनाएको छ भने मार्चमा डेलिभरी सुरु गर्ने तयारी छ ।
बीवाईडी सीलायन ७ मा ८२.५६ किलोवाट आवर क्षमताको ब्याट्री रहेको छ । यो एसयूभी प्रिमियम र फर्फर्मेन्स दुई भेरियन्टमा उपलब्ध छन् । फर्फर्मेन्स भेरियन्टले एक पटक फुल चार्जमा ५४२ किलोमिटर रेन्ज दिन्छ भने प्रिमियम भेरियन्टले फुल चार्जमा ५६७ किलोमिटर रेन्ज दिन्छ ।
सीलायन ७ को लुक्स आकर्षक छन् । Ocean-X स्टाइलिङ, १५.६ इन्च घुम्ने टचस्क्रिन, कनेक्टेड कार प्रविधि र भेन्टिलेटेड सिटहरू, प्यानोरामिक गिलास रूफ र ADAS सुइट जस्ता प्रिमियम सुविधाहरू छन्। यो क्ग्ख् मा ५२० लिटरको बुट स्पेस छ, जसलाई १,७८९ लिटरसम्म विस्तार गर्न सकिन्छ।
साथै, तेज देखिने एलईडी हेडलाइट सेटअप छ, जुन सील इलेक्ट्रिक सेडानमा देखिन्छ । सीलायन ७ मा फ्लश प्रकारको ढोका ह्यान्डलहरू र कारको लम्बाइमा चल्ने कालो क्ल्याडिङ छ ।
एसयूभीमा १९-इन्च डुअल-टोन एलोय ह्वीलहरूमा २०-इन्च पाङ्ग्राहरूको विकल्पको साथ मानक रुपमा छ । ईभीको स्पोर्टी प्रकृतिलाई पूरक बनाउन रातो ब्रेक क्यालिपरहरू पनि छन् । सीलायन ७ को पछाडि छत र बडी माउन्टेड स्पोइलर, आवरण कनेक्टेड टेल ल्याम्प र ठूलो बम्पर रहेको छ ।
फेब्रुअरी १७ अघि बुकिङ गर्ने क्रेताहरूले ७ किलोवाटको निस्शुल्क चार्जर र कम भोल्टेजको ब्याट्रीमा ७ वर्ष १५०,००० किमी वारेन्टीको मजा लिन सक्नेछन् । ब्लेड ब्याट्री ८ वर्षको वारेन्टीको साथ आउँछ । पहिलो ७० ग्राहकहरूले प्राथमिकता डेलिभरीहरू प्राप्त गर्नेछन् ।
कम्पनीले अटो एक्स्पोमा सिल, एटो-३, याङ्वाङ यु८ र एम्याक्स ७ गाडी पनि राखेको छ । एट्टो ३ क्रसओभर र सिल सेडानजस्ता धेरै मोडेलहरू भारतमा लन्च गरिसकेपछि चिनियाँ अटोमेकरले यो महिनाको अन्त्यसम्ममा देशमा ४० वटा डिलरशिपहरू उपलब्ध गराउने लक्ष्य राखेको छ ।