आज विक्रम संवत २०८१ साल माघ ६ गते, आइतबार । ईश्वी सन् २०२५ जनवरी १९ तारिख । नेपाल संवत् ११४५ । कालयुक्तनाम संवत्सर । उत्तरायणं । शिशिर ऋतु । श्रीशाके १९४६ । माघ कृष्णपक्ष । तिथि–पंचमी, ० घडी ४९ पला, बिहान ७ बजेर १७ मिनेट उप्रान्त षष्ठी । नक्षत्र–उत्तराफाल्गुनी, २६ घडी ३४ पला, बेलुकी ५ बजेर ३४ मिनेट उप्रान्त हस्त । आनन्दादिमा–मित्र योग । चन्द्रराशि कन्या।

मेष (चु, चे, चो, ला, लि, लु, ले, लो, अ)
कार्यक्षेत्रमा लगनशीलताले सफलता मिल्नेछ। व्यापार व्यवसायमा लाभ रहनेछ। वित्तीय वा सहकारी संस्थाबाट लाभ मिल्नेछ। यद्यपि, खर्चिलो काम गर्नुपर्ने देखिएकाले कर्जामार्फत धन जुटाउनुपर्ने हुन सक्छ। तत्काल फाइदा लिँदा पछिको लाभांश गुमाउनुपर्ला। 

वृष (इ, उ, ए, ओ, बा, बि, बु, बे, बो)
नयाँ कार्य प्रारम्भ गर्दा लाभ मिल्नेछ। पशुधन वा कृषि क्षेत्रबाट आय आर्जन गर्न सकिनेछ। प्रयत्न गरेका काम सजिलै सम्पादन हुनेछन्। सेवामूलक कामबाट धनलाभ हुनेछ । फाइदाको स्रोत पहिल्याउन सकिनेछ।

मिथुन (का, कि, कु, घ, ङ, छ, के, को, ह)
सरकारी नोकरीमा प्रभाव बढ्नेछ। आफन्तहरूको साथ सहयोग मिल्ला। व्यापार व्यवसायमा नयाँ निर्णय लिनुभन्दा अघि मातापिताको सल्लाह लिनुहोला सफलता मिल्नेछ।
भूमि तथा पशुधनबाट लाभ मिल्नेछ। पुरानो सम्झौता भंग हुन सक्छ। महत्त्वाकांक्षी योजना गोप्य राख्नुहोला।

कर्कट (हि, हु, हे, हो, डा, डि, डु, डे, डो)
विशेष सफलताको लागि केही समय प्रतिक्षा गर्नुपर्ने देखिन्छ। धैर्य र आत्मविश्वासले अगाडि बढ्नुहोस् सफलता मिल्नेछ। परिस्थितिले सोचेभन्दा फरक मोड लिन सक्छ। मौका आए पनि समयमा जागरुक नबन्दा पछि परिनेछ।  लेनदेनमा अलि सतर्क रहनुहोला । मिहिनेतले आंशिक लाभ दिलाउनेछ।

सिंह (मा, मि, मु, मे, मो, टा, टि, टु, टे)
महत्वकांक्षी योजनाहरू प्रारम्भ गर्ने समय रहेको छ। हातमा आएको रकम अरूका लागि खर्चनुपर्नेछ। अरूको मुख ताक्ने बानीले आफ्नो काम अधुरो रहनेछ। बुद्धिले काम लिँदा चिताएको काम बन्नेछ । 

कन्या (टो, प, पि, पु, ष, ण, ठ, पे, पो)
व्यापार व्यवसायलाई लिएर गरिएको यात्राबाट लाभ मिल्नेछ। व्यापार लगायत आर्थिक लाभ हुने काम प्रारम्भ गर्न सकिनेछ। आकर्षक उपहार प्राप्त हुन सक्छ। रमाइलो जमघटको आनन्द प्राप्त हुनेछ। नयाँ कामको अवसर प्राप्त हुनाले हौसला जाग्नेछ।

तुला (र, रि, रु, रे, रो, ता, ति, तु, ते)
कार्यक्षेत्रमा नयाँ कार्यमा हात हाल्नु अघि योजना बनाएर कार्य प्रारम्भ गर्नुहोस्। केही मात्रामा खर्च बढ्नेछ भने व्यवसायमा लगानी बढाउनुपर्ला। रोकिएका काममा दोहोर्याएर प्रयत्न गर्नुहोला। सरसापट वा कर्जामार्फत धन जुट्नेछ। अवसरको खोजीमा केही दौडधुप गर्नुपर्ला। 

वृश्चिक (तो, ना, नि, नु, ने, नो, या, यि, यु)
कार्यक्षेत्रमा सानो प्रयासले पनि राम्रो लाभ आर्जन गर्न सकिनेछ। पहिलेका कामबाट विशेष फल प्राप्त हुने समय छ। व्यापार बढ्नेछ भने रोकिएको काम बन्नेछ। साझेदारीबाट लाभ मिल्नुका साथै जिम्मेवारी पनि बढ्नेछ।  श्रमको उचित मूल्यांकन हुनेछ। सञ्चित धनको उपयोगबाट पनि विशेष लाभ मिल्नेछ।

धनु (ये, यो, भ, भि, भु, ध, फा, ढ, भे)
कार्यक्षेत्रमा नयाँ कार्यको अवसर मिल्नेछ । समयमा निर्णय लिन नसक्दा पुरानै काम दोहोर्याउनुपर्ला। लगनशीलताले काम सम्पादन हुनेछ। आजको श्रमबाट पछिलाई फाइदा हुनेछ। भविष्यका लागि भने कामको जग बसाउने मौका छ।

मकर (भो, ज, जि, खि, खु, खे, खो, गा, गि)
लक्ष्यमा ध्यान केन्द्रित गरेर कार्य गर्नुहोस् सफलता मिल्नेछ। श्रम परे पनि तारिफयोग्य काम गर्दै अरूको उपकार गर्न सकिनेछ। दिगो फाइदा हुने योजना कार्यान्वयन गर्न सकिनेछ। परिस्थिति अनुकूल हुनाले रोकिएको काम बन्न थाल्नेछ।

कुम्भ (गु, गे, गो, सा, सि, सु, से, सो, द)
आर्थिक पक्ष सामान्य रहनेछ । साथीहरुबाट सोचेजस्तो सहयोग नमिल्ला। उपलब्धिका लागि केही समय प्रतीक्षा गर्नुपर्ला।  लगानी गर्ने काममा हात हाल्नुअघि विचार पुर्याउनुहोला। अनावश्यक अडान लिँदा समस्या निम्त्याउन सक्छ।

मीन (दि, दु, थ, झ, ञ, दे, दो, च, चि)
व्यापार व्यवसायमा सोचेजस्तो सफलता मिल्ला। पहिलेको सफलताले हौसला जगाउनेछ। नयाँ कामको प्रस्ताव आउनेछ भने साथ दिनेहरू बढ्नेछन्। घरमा सुख र समृद्धिको आगमन हुनेछ। आम्दानी बढाउने काम सुरु गर्न सकिनेछ।