काठमाडौँ / मौसम पूर्वानुमान महाशाखाका अनुसार हाल देशमा पश्चिमी वायुको सामान्य प्रभाव रहेको छ । हाल कोशी प्रदेशको पहाडी भूभागमा आंशिक बदली तथा बाँकी भूभागमा मौसम सामान्यतया सफा रहेको छ । तराईका केही भूभागहरुमा हुस्सु/कुहिरो लागेको अवस्था छ ।
आज शुक्रबार कोशी, गण्डकी प्रदेशको हिमाली र पहाडी क्षेत्रमा आंशिक बदलीको सम्भावना रहेको छ । तराई क्षेत्रमा मुख्यतया सफा रहने सम्भावना रहेको छ । तराई क्षेत्रमा भने दिउँसो मौसम मुख्यतया सफा रहने र राति आंशिक बदलीको सम्भावना छ ।
बागमती प्रदेशमा दिउँसको मौसम सामान्यतयाः सफा रहने र राति हिमाली र पहाडी भूभागमा आंशिक बदलीको सम्भावना छ । अन्य प्रदेशको मौसम भने सामान्यतयाः सफा रहनेछ ।
बिहानको समयमा तराई तथा उपत्यका धेरै स्थानहरूमा हुस्सु/कुहिरोको सम्भावना रहेकोले दैनिक जनजीवन, स्वास्थ्य, यातायात तथा हवाई उडानमा असर पर्न सक्ने हुनाले आवश्यक सतर्कता अपनाउन मौसमविद्ले आग्रह गरेका छन् ।
