काठमाडौँ / आर्थिक वर्ष २०८०/८१ को चौथो त्रैमाससम्ममा नेशनल लाइफ इन्स्योरेन्स कम्पनी लिमिटेडले ४० करोड ६३ लाख नाफा कमाएको छ । 

कम्पनीले सार्वजनिक गरेको आर्थिक वर्ष २०८०/८१ को चौथो त्रैमासको वित्तीय विवरण अनुसार कम्पनीले एक बर्षको अवधीमा ४० करोड ६३ लाख रुपैयाँ नाफा आर्जन गरेको हो । यो नाफा गत आर्थिक बर्ष २०७९/८० को तुलनामा ६०.९२ प्रतिशतले वृद्धि भएको हो । अघिल्लो आर्थिक वर्षको सोही अवधिमा कम्पनीले २५ करोड २५ लाख रुपैयाँ नाफा आर्जन गरेको थियो । 

असार मसान्तसम्ममा कम्पनीले १९ अर्ब २२ करोड रुपैयाँ कुल बीमा शुल्क आर्जन गरेको छ । अघिल्लो आर्थिक वर्षको सोही अवधिको तुलनामा कम्पनीको कुल बीमा शुल्क आर्जन १४.३४ प्रतिशतले वृद्धि भएको हो । अघिल्लो आर्थिक वर्षको सोही अवधिमा कम्पनीले १६ अर्ब ८० करोड कुल बीमा शुल्क आर्जन गरेको थियो । 

यता, ५ अर्ब १ करोड शेयर पूँजी भएको कम्पनीले गत आर्थिक वर्षको चौथो त्रैमाससम्ममा शेयर प्रिमियममा शिर्षकमा २ करोड रुपैयाँ माथि संचित गरेको छ । यस अवधिमा कम्पनीको महाविपत्तीकोषमा ५६ करोड ९७ लाख रुपैयाँ रहेको छ । यस अवधिमा कम्पनीको रिटेण्ड अर्निङ्गमा १ अर्ब २२ करोड ८२ लाख रुपैयाँ रहेको छ ।

त्यस्तै, आर्थिक वर्ष २०७९/८० को असार मसान्तसम्ममा कम्पनीको जीवन बीमा कोषमा ६५ अर्ब ४० करोड रहेको थियो । अघिल्लो आर्थिक वर्षको असारमसान्तको तुलनामा गत आर्थिक वर्षको असार मसान्तसम्ममा कम्पनीको जीवन बीमा कोषको आकार १९.१९ प्रतिशतले वृद्धि भएर ७७ अर्ब ९५ करोड पुगेको छ ।

कम्पनीले यस अवधिमा १८ अर्ब ७९ करोड रुपैयाँ खुद बीमा शुल्क आर्जन गरेको छ । अघिल्लो आर्थिक वर्षको सोही अवधिमा कम्पनीले १६ अर्ब ४८ करोड रुपैयाँ खुद बीमा शुल्क आर्जन गरेको थियो । अघिल्लो वर्षको तुलनामा कम्पनीको खुद बीमा शुल्क आर्जन १३।९९ प्रतिशतले वृद्धि भएको हो ।

कम्पनीले यस अवधिमा १८ अर्ब ७९ करोड रुपैयाँ खुद बीमा शुल्क आर्जन गरेको छ । अघिल्लो वर्षको तुलनामा कम्पनीको खुद बीमा शुल्क आर्जन १३.९९ प्रतिशतले वृद्धि भएको हो । अघिल्लो आर्थिक वर्षको सोही अवधिमा कम्पनीले १६ अर्ब ४८ करोड रुपैयाँ खुद बीमा शुल्क आर्जन गरेको थियो । 

समिक्षा अवधिमा कम्पनीले पुनर्बीमा मार्फत ४२ करोड ५० लाख रुपैयाँ खर्चिएको छ । अघिल्लो आर्थिक वर्षको सोही अवधिमा कम्पनीले ३२ करोड २ लाख रुपैयाँ पुनर्बीमा मार्फत खर्चिएको थियो ।

समिक्षा अवधिमा कम्पनीले १ अर्ब ८३ करोड ३० लाख रुपैयाँ अभिकर्ता कमिशन मार्फत खर्चिएको छ । अघिल्लो आर्थिक वर्षको सोही अवधिमा कम्पनीले १ अर्ब ५८ करोड २२ लाख रुपैयाँ खर्चिएको थियो ।

यस अवधिमा कम्पनीको प्रतिशेयर आम्दानी ८.११ रुपैयाँ रहेको छ भने प्रति शेयर नेटवर्थ १४४.२८ रुपैयाँ रहेको छ ।