काठमाडौँ / नबिल बैंक लिमिटेडले भदौ १७ गते विशेष साधारण सभा गर्ने निर्णय गरेको छ ।
बैंकको गत आइतवार बसेको बैंकको सञ्चालक समितिको बैठकले आगामी भदौ १७ गते विशेष साधारण सभा गर्ने निर्णय गरेको हो ।
उक्त सभामा अग्राधिकार शेयर जारी गर्ने प्रस्तावमाथि छलफल गर्न विशेष साधारण सभा गर्ने निर्णय गरेको हो ।
कम्पनीको गत चैत १ गते बसेको सञ्चालक समितिको बैठकले ८ प्रतिशत लाभांश दर कायम गरी मुनाफा भएको वर्ष मात्र लाभांश वितरण गर्ने गरी ५ अर्ब बराबरको ५ करोड इकाई अग्राधिकार शेयर विक्री गर्ने निर्णय गरेको थियो ।
बैंकले शेयरको रकम फिर्ता नहुने प्रकृतिको अग्राधिकार शेयर व्यक्तिगत तवरबाट विक्री गर्ने निर्णय गरेकोमा उक्त निर्णयलाई विशेष साधारण सभाबाट पारित गर्न लागेको हो ।
नेपाल राष्ट्र बैंकलगायत नियमनकारी निकायबाट स्वीकृति लिई ८ प्रतिशत अविमोच्य असञ्चिति अग्राधिकार शेयर जारी गर्ने प्रस्ताव सभाले पारित गर्नेछ ।
कम्पनीको अधिकृत, जारी र चुक्ता पूँजी वृद्धि गर्नुका साथै सोहीबमोजिम हुने गरी प्रबन्धपत्र तथा नियमावलीमा आवश्यक संशोधन गर्ने प्रस्ताव पनि सभाका लागि तय भएको छ ।
.gif)
