काठमाडौँ / आइसिएफसि फाइनान्स लिमिटेडले पाँच वर्ष पुरानो लाभांश बुझिलिन सम्बन्धित शेयरधनीलाई आग्रह गरेको छ । कम्पनीले सूचना जारी गर्दै आर्थिक वर्ष ०७४/७५ को नगद लाभांश बुझ्न शेयरधनीलाई आग्रह गरेको हो ।

उक्त वर्ष कम्पनीले करसमेत ८ प्रतिशत नगद लाभांश वितरण गरेको थियो । सम्बन्धित शेयरधनीहरूले लाभांश लिन आगामी एक महीनाभित्र कम्पनीको शेयर रजिष्ट्रार ग्लोबल आइएमई क्यापिटल लिमिटेड नक्साल, काठमाडौंमा सम्पर्क राख्नुपर्नेछ ।

तोकिएको अवधिभित्र नगद लाभांश बुझ्न नआए उक्त रकम लगानीकर्ता संरक्षण कोषमा जम्मा हुने जानकारीसमेत कम्पनीले दिएको छ ।

बोनस शेयर हितग्राही खाता र नगद लाभांश बैंक खातामा जम्मा गरिने भएकाले हालसम्म पनि हितग्राही खाता खोली बैंक खाता अद्यावधिक नगराएका शेयरधनीलाई यथाशीघ्र गराउन पनि कम्पनीले भनेको छ ।