काठमाडौँ / आर्थिक बर्ष २०८०/८१ मा निर्जीवन बीमा कम्पनीहरुले ४१ अर्ब ४० करोडमाथि कुल बीमा शुल्क संकलन गरेका छन् । 

नेपाल बीमा कम्पनीले सार्वजनिक गरेको वित्तिय विवरण अनुसार हाल सञ्चालनमा रहेका १४ निर्जीवन बीमा कम्पनीहरूले एक बर्षमा ४१ अर्ब १७ करोड १३ लाख रुपैयाँ कुल बीमा शुल्क संकलन गरका हुन् । यस अवधिसम्ममा निर्जीवन बीमकले २८ लाख ४९ हजार ९३४ वटा बीमा पोलिसी बिक्री गरेका छन् । 

शिखर इन्स्योरेन्सले संकलन गर्यो सबैभन्दा धेरै 

एक बर्षको अवधीमा सबैभन्दा धेरै शिखर इन्स्योरेन्स कम्पनीले कुल बीमा शुल्क संकलन गरेको छ । कम्पनीले यस अवधिमा ५ अर्ब ४७ करोड ०२ लाख रुपैयाँ कुल बीमा शुल्क संकलन गरेको छ । 

निर्जीवन बीमा कम्पनीहरुको कुल ब्यापारमा शिखर इन्स्योरेन्सको बजार हिस्सा १३ प्रतिशत हो । 

यस्तै, दोस्रोमा सगरमाथा लुम्बिनी इन्स्योरेन्स रहेको छ । कम्पनीले यस अवधिमा ४ अर्ब ७८ करोड रुपैयाँ कुल बीमा शुल्क संकलन गरेको छ । जुन निर्जीवन बीमा कम्पनीहरुको कुल ब्यापारमा यस कम्पनीको ११ प्रतिशत बजार हिस्सा रहेको छ । 

सिद्धार्थ प्रिमियर इन्स्योरेन्सले ४ अर्ब १७ करोड रुपैयाँ कुल बीमा शुल्क संकलन गरेको छ । जुन निर्जीवन बीमा कम्पनीहरुको कुल ब्यापारमा यस कम्पनीको बजार हिस्सा १० प्रतिशत रहेको छ ।

अन्य कुन कम्पनीको कति ? 

एक बर्षको अवधीमा हिमालयन एभरेष्ट इन्स्योरेन्सले यस अवधिमा ३ अर्ब ७२ करोड रुपैयाँ कुल बीमा शुल्क संकलन गरेको छ । 

आइजिआइ प्रुडेन्सियल इन्सयोरेन्सले ३ अर्ब ६५ करोड रुपैयाँ कुल बीमा शुल्क संकलन गरेको छ । 

नेको इन्स्योरेन्सले ३ अर्ब १४ करोड, यूनाइटेड अजोड इन्स्योरेन्सले २ अर्ब ७२ करोड, सानिमा जिआइसीले २ अर्ब ६१ करोड, एनएलजी इन्स्योरेन्स कम्पनीले २ अर्ब ५५ करोड, ओरिएण्टल इन्स्योरेन्सले २ अर्ब १६ करोड रुपैयाँ कुल बीमा शुल्क संकलन गरेको छ । 

त्यसैगरी प्रभु इन्स्योरेन्सले १ अर्ब ७७ करोड रुपैयाँ कुल बीमा शुल्क संकलन गरेको छ । राष्ट्रिय बीमा कम्पनीले १ अर्ब ५९ करोड रुपैयाँ कुल बीमा शुल्क संकलन गरेको छ । नेपाल इन्स्योरेन्सले १ अर्ब ५९ करोड रुपैयाँ कुल बीमा शुल्क संकलन गरेको छ । नेशनल इन्स्योरेन्सले १ अर्ब १९ करोड रुपैयाँ कुल बीमा शुल्क संकलन गरेको छ ।