काठमाडौँ / साताको अन्तिम कारोबार दिन शुक्रबार सुनचाँदीको मूल्यमा गिरावट आएको छ । नेपाल सुनचाँदी व्यवसायी महासंघका अनुसार बिहीबारको तुलनामा आज शुक्रबार सुनको भाउ प्रतितोला ४ सय रुपैयाँले घटेको हो ।
यसअघि प्रतितोला १ लाख ४१ हजार ६ सय रुपैयाँ पुगेको छापवाल सुन आज घटेर १ लाख ४१ हजार २ सय रुपैयाँमा झरेको छ । यसैगरी तेजावी सुन प्रतितोला १ लाख ४० हजार ९ सय रुपैयाँ रहेकोमा आज घटेर १ लाख ४० हजार ५ सय रुपैयाँ कायम भएको छ ।
यता, चाँदीको भाउ प्रतितोला १० रुपैयाँ घटेको महासंघले जनाएको छ । यसअघि प्रतितोला १ हजार ८ सय १० रुपैयाँ रहेको चाँदीलाई आज १ हजार ८ सय रुपैयाँ मात्रै पर्नेछ ।
.gif)
