काठमाडौँ / सरकारले प्रधानमन्त्री छोरी आत्मनिर्भर कार्यक्रमका लागि १० करोड रुपैयाँ बजेट छुट्याएको छ । आगामी आर्थिक बर्ष २०८१/८२ का लागि बजेट घोषणा गर्द अर्थमन्त्री बर्षमान पुनले छोरीलाई रोजगारमूलक बनाउन कार्यक्रम ल्याउनका लागि सो बजेट छुट्याइएको बताए ।
साथै, उनले आगामी बर्ष युवा महिला राष्ट्रिय सम्मेलनको आयोजना गर्ने घोषणा गरेका छन् । त्यस्तै, राष्ट्रपति महिला शसक्तिकरण कार्यक्रमलाई पुनर्संरचना गरी आर्थिक शसक्तिकरणका कार्यक्रम सञ्चालन गरिने अर्थमन्त्री पुनले बताए ।
अर्थमन्त्री पुनले आगामी आर्थिक बर्ष महिला लागनी बर्ष घोषणा गरेका छन् । त्यस्तै, सरकारले आगामी बर्ष ‘हाम्रा बाआमा, हाम्रो जिम्मेवारी अभियान ’सञ्चालन गरिने उनले जानकारी दिए ।
स्थानीय तहमा जेष्ठ नागरिक मिलन केन्द्र विस्तार गरिने, सातै प्रदेशमा सुविधा सम्पन्न वृद्धाश्रम स्थापना गरिने सरकारको योजना रहेको उनले बताए । सरकारले महिला बालबालिका तथा जेष्ठ नागरिक मन्त्रालयका लागि १ अर्ब ६० करोड रुपैयाँ विनियोजन गरेको छ ।
.gif)
