काठमाडौँ / प्रधानमन्त्री पुष्पकमल दाहाल ‘प्रचण्ड’ले कुनै ऋण, सवारी साधन, कृषि तथा पशुधन नरहेको उल्लेख गरेका छन्। प्रधानमन्त्री तथा मन्त्रिपरिषद्को कार्यालयले प्रधानमन्त्री तथा मन्त्रीहरूको सम्पत्ति विवरणमा उनले पैतृक सम्पत्ति, अंशबाट प्राप्त जग्गा र नगद २५ लाख रुपैयाँ मौज्दात मात्रै रहको उल्लेख गरेका हुन् ।
चितवन जिल्लाको भरतपुर महानगरपालिकामा १४ कठ्ठाको घरघडेरी, पाँच तोला सुन र २५ लाख नगद मौज्दात रहेको देखिएको छ ।
प्रधानमन्त्री तथा मन्त्रिपरिषद्को कार्यालयले सार्वजनिक गरेको प्रधानमन्त्री तथा मन्त्रीहरूको सम्पत्ति विवरण अनुसार प्रधानमन्त्री प्रचण्डसँग पैतृक सम्पत्तिबाहेक २५ लाख रुपैयाँ नगद मौज्दात रहेको देखिएको हो ।
प्रधानमन्त्री ‘प्रचण्ड’सँग स्वर्गीय पत्नी सीता दाहालको नाममा भरतपुर महानगरपालिका वडा नम्बर १४ मा १४ कट्ठाको पार्किङसहितको घर घडेरी र वडा नम्बर १२ मा १ कट्ठा जग्गा रहेको उल्लेख गरिएको छ।
पत्नी सीता दाहालको नाममै रहेको उक्त जग्गा भने अंशबाट प्राप्त भएको जनाइएको छ।त्यस्तै, प्रधानमन्त्री प्रचण्डसँग पाँच तोला सुन रहेको र उक्त सम्पत्ति पनि पैतृक सम्पत्ति रहेको उल्लेख गरिएको छ।
प्रधानमन्त्री प्रचण्डसँग एभरेष्ट बैङ्क लिमिटेड, सिंहदरबारको खातामा २५ लाख नगद मौज्दात रहेको उल्लेख गरिएको छ।
.gif)
