काठमाडौँ / नेकपा माओवादी केन्द्रले सरकारमा सहभागी हुने मन्त्रीको नाम टुङ्गो लगाएको छ । जसअनुसारका वरिष्ठ उपाध्यक्ष नारायणकाजी श्रेष्ठको पोल्टामा परराष्ट्र मन्त्रालय परेको छ भने अर्थमन्त्रालय उपमहासचिव वर्षमान पुनले पाएका छन् ।
माओवादीले सञ्चार मन्त्रीका रूपमा रेखा शर्मालाई पठाउने भएको छ । त्यसै गरी ऊर्जामन्त्रीका रूपमा शक्ति बस्नेत र हितबहादुर तामाङ पर्यटन मन्त्री बन्ने भएका छन् ।
यसअघिको गठबन्धन सरकारमा रहेका ऊर्जामन्त्री बस्नेत र सञ्चार तथा सूचना प्रविधि मन्त्री शर्माले नयाँ गठबन्धन सरकारमा पनि दोहोरिने मौका पाएका हुन् ।
कामको परफरमेन्सका आधारमा श्रेष्ठ नयाँ सरकारमा दोहोरिने हो भने बस्नेत र शर्मा पनि दोहोर्याउनुपर्ने प्रस्ताव आएपछि तीन जना मन्त्रीहरू नयाँ गठबन्धनको सरकारमा पनि दोहोरिने भएको स्रोतले जनाएको छ ।
श्रेष्ठले यसअघिको गठबन्धन सरकारमा उपप्रधान तथा गृहमन्त्रीको जिम्मेवारी सम्हालेका थिए । त्यस्तै, अर्थमन्त्री बनेका पुन २०६७ माघ २३ मा झलनाथ खनालको नेतृत्वमा गठन भएको मन्त्रिपरिषदमा शान्ति तथा पुनर्निर्माण मन्त्रीको रूपमा सहभागी थिए ।
त्यस्तै २०६८ भदौ १२ मा डा. बाबुराम भट्टराईको नेतृत्वको सरकारमा उनले अर्थमन्त्रालय नै सम्हाल्ने अवसर पाएका थिए । अर्थमन्त्रीको रूपमा पुनको यो दोस्रो कार्यकाल रहनेछ ।
यसैगरी तामाङ यसअघि २०६७ सालमा झलनाथ खनाल नेतृत्वको सरकारमा तामाङ युवा तथा खेलकुद मन्त्री बनेका थिए। त्यसबेला उनले तीन महिना मन्त्रीको जिम्मेवारी सम्हाल्ने अवसर पाएका थिए।
.gif)
