काठमाडौँ / अनरको नयाँ स्मार्टफोन अनर एक्सएटबी (X8b) नेपाली बजारमा सार्वजनिक भएको छ । कम्पनीले स्पेनको बार्सिलोनामा आयोजित मोबाइल वर्ल्ड कङ्ग्रेससँगै बिहीबार नेपालमा समेत उक्त फोन ल्याएको हो ।
५१२ जीबी स्टोरेज भएको यो फोनको मूल्य कम्पनीले यस अघि नै सार्वजनिक गरिसकेको छ । जसअनुसार २९ हजार ९९९ रुपैयाँ पर्ने अनर एक्सएटबीलाई कम्पनीले कम्प्युटर स्तरको स्टोरेज भएको फोनको रूपमा चर्चा गरिरहेको छ ।
बजारमा यो मूल्यमा ५१२ जीबी स्टोरेज युक्त फोन आफ्नो मात्रै भएको दाबी अनरले गरेको छ । बार्सिलोनामा आयोजित कार्यक्रम मार्फत अनरले अनर एक्स एट बीसँगै म्याजिक सिक्स सिरिज, म्याजिक भीटु सिरिज र म्याजिकबुक प्रो १६ समेत सार्वजनिक गरेको छ ।
नेपालका लागि अनरको आधिकारिक वितरक सेलट्रोन नेपालले केही दिन अघि सुरु गरेको प्रि-बुकिङ समेत बुधबार सकिएको छ । यससँगै अब अनर एक्स एट बी नेपालभर खरिदका लागि उपलब्ध भएको छ ।
स्टोरेज र पर्फर्मेन्स
अनर एक्स एट बीमा १६ जीबी र्याम र ५१२ जीबी स्टोरेज रहेको छ । जसमा १६ जीबी र्याम अन्तर्गत आठ जीबी आन्तरिक र बाँकी आठ जीबी अनर र्याम टर्बो समावेश छ । कम्प्युटर-स्तरको स्टोरेजले ग्राहकलाई स्टोरेजको विषयलाई लिएर कुनै चिन्ता हुन नदिने र पर्फर्मेन्स पनि सहज बनाउने अपेक्षा गरिएको छ ।
पर्फर्मेन्सको कुरा गर्नुपर्दा अनर एक्स एट बी एन्ड्रोइड १३ मा आधारित म्याजिक ओएस ७.२ र क्वालकमप स्न्यापड्रागन ६८० मा सञ्चालन हुन्छ । अन्य अनर स्मार्टफोन जस्तै अनर एक्सएटबीमा पनि गुगल सर्भिस उपलब्ध छ ।
क्यामेरा
अनर एक्सएटबीमा १०८ एमपी मुख्य क्यामेरा, वाइडर डेप्थ क्यामेरा र दुई एमपी म्याक्रो क्यामेरा गरी पछाडि भागमा तीन ओटा क्यामेराको सेटअप रहेको छ । त्यस्तै सेल्फीका लागि यो फोनमा ५० एमपी क्यामेरा दिइएको छ ।
डिस्प्ले
अनर एक्सएटबीमा अत्याधुनिक ६.७ इन्चको आँखालाई समेत सहज हुने ब्राइट एमोलेड डिस्प्ले राखिएको छ । जसले १२०० निट्सको एचबीएम ब्राइटनेस र दुई हजार निट्सको अधिकतम ब्राइटनेस, प्रदान गर्छ । यस बाहेक, डिस्प्लेमा ९० हर्जको रिफ्रेश रेट र ३,२४० हर्जको पीडब्लूएम डिमिङ सुविधा छ । जसले प्रयोगकर्तालाई आँखाको तनावबाट जोगाउँछ । स्मार्टफोनमा लामो समय बिताउने प्रयोगकर्ताका लागि यो विशेषता उपयोगी हुनेछ ।
डिजाइन
६.७८ एमएम अल्ट्रा-स्लिम अनर एक्सएटबी बजारकै सबै भन्दा पातलो र किफायती स्मार्टफोन मध्येको एक हो । स्लिम र १६६ ग्राम तौल रहेको यो फोन खल्तीमा राख्न पनि सजिलो छ ।
ब्याट्री र चार्जिङ
अनर एक्सएटबीमा ४५,००० एमएएच ब्याट्री रहेको छ । एक पटक चार्ज गर्दा यो फोनमा ४६ घन्टासम्मको म्युजिक स्ट्रिमिङ, १३घन्टाको भिडिओ प्लेब्याक, १४ घण्टा छोटो भिडिओ क्लिप ब्राउजिङ, वा १७ घन्टा सामाजिक सञ्जाल ब्राउजिङ प्राप्त गर्न सकिने कम्पनीको भनाई छ । फोनको साथमा ३५ वाट तारसहितको अनर सुपर चार्जर पाउन सकिन्छ । जसले अनर एक्सएटबीलाई छिटो चार्ज गर्ने बताइएको छ ।
मूल्य र उपलब्धता
सेलट्रोन नेपालले अनर एक्सएटबीको एक मात्र १६ जीबी र्याम तथा ५१२ जीबी स्टोरेज भेरियन्ट ल्याएको छ । २९ हजार ९९९ रुपैयाँ पर्ने यो फोन आधिकारिक रिटेलर स्टोर र अनलाइन प्लेटफर्म दराज र हुकुटमार्फत खरिद गर्न सकिनेछ ।
.gif)
