काठमाडौँमा जन्मिएर परिवारसहित अमेरिका बसोबास गर्दै आएका रोशन प्रताप जंग बहादुर राणाले नेपाली चलचित्रमा डेब्यु गर्ने भएका छन् । अन्तर्राष्ट्रिय फेशन तथा र्याम्प मोडलिङ रमाउँदै आएका उनले अमेरिकामा ब्यापार व्यवसायसमेत गर्दै आएका छन् ।
केही समय अघिदेखि नेपालमा समेत व्यवसाय गर्दै आएका उनले आफैँ चलचित्र निर्माण गरी डेब्यू गर्न लागेका हुन् । नेपाली कला संस्कृति मौलिकतालार्र्इ विश्व माझ पुर्याउने उद्देश्यले निर्माण हुन लागेको सो चलचित्र नेपाल, अमेरिका र अन्य देशमा समेत छायाङ्कन गरिने बताइएको छ ।
पुराना कलाकार र विदेशी कलाकारलाईसमेत चलचित्रमा समावेश गरिने उनले जानकारी दिए । राणा सामाजिक कामहरूमासमेत निकै सक्रिय रहेका छन् ।
