काठमाडौँ / व्यवसायी अरुण चौधरी प्रकाउ परेपछि नाडा अटोमोवाइल्स एशोसिएशन अफ नेपालले आपत्ति जनाएको छ । एक विज्ञप्ति जारी गर्दै नाडाले देशको ठूलो औद्योगिक घराना चौधरीलाई कुनै ठोस प्रमाण र आधार विना नै नेपाल प्रहरीले छानविनका नाममा पक्राउ गरेको भन्दै सरकारको कदमको भर्त्सनासमेत गरेको छ । 

व्यवसायी चौधरी नाडा अटोमोवाइल्स एशोसिएशन अफ नेपालका सदस्य, सीजी होल्डिङ्गसका अध्यक्ष, प्रवन्ध निर्देशकसमेत हुन् । सम्बन्धित विषयको गहिरो अध्ययन र अनुसन्धान नभएसम्म व्यवसायीलाई पक्राउ नगर्नसमेत नाडाले विज्ञप्तिमार्फत आग्रह गरेको छ । 

“पहिले गिरफ्तारी तत्पश्चात मात्र समस्या पहिल्याउने प्रवृत्तिले व्यवसायीहरूलाई थप हतोत्साहित मात्र बनाएको छैन यसले आउदै गरेको लगानी सम्मेलनलाई समेत नकारात्मक प्रभाव पार्ने देखिएको छ । पहिला आवश्यक छानविन र सत्यतथ्य यकिन गरेर मात्र कानूनी प्रकृयालाई अघि बढाउन हामी सरकारलाई आग्रह समेत गर्दछौँ,” विज्ञप्तिमा भनिएको छ ।