काठमाडौँ / पुसको पहिलो साता स्थानीय बजारमा सुन र चाँदी दुवैको मूल्य बढेको छ । नेपाल सुनचाँदी व्यवसायी महासंघका अनुसार सुनको मूल्य एक सातामा तोलामा २ हजार रुपैयाँ र चाँदीको मूल्य ३० रुपैयाँले बढेको हो । 

महासंघका अनुसार साताको पहिलो दिन आइतबार छापावाल सुन प्रतितोला एक लाख ९ सय ९५ रुपैयाँमा कारोबार भएको थियो भने तेजावी सुन प्रतितोला एक लाख ५ सय २५ रुपैयाँमा कारोबार भएको थियो । 

यता, आज शुक्रबार भने छापावाल सुनको मूल्य प्रतितोला एक लाख १९ हजार ८ सय रुपैयाँ तोकिएको छ । यस्तै, तेजावी सुनको मूल्य एक लाख १९ हजार २५० रुपैयाँ कायम भएको छ । यो मूल्य अघिल्लो कारोबार दिनको तुलनामा प्रतितोला ८ सय रुपैयाँले महँगो हो ।

शुक्रबार चाँदीको मूल्य एक हजार ४८५ रुपैयाँ कायम भएको छ । यो मूल्य अघिल्लो कारोबार दिन अर्थात बिहिबारको तुलनामा प्रतितोला ५ रुपैयाँले महँगो हो । किहिबार चाँदीको मूल्य एक हजार ४ सष् ८० रुपैयाँमा कारोबार भएको थियो भने, साताको पहिलो कारोबारको दिन अर्थात आइतबार एक हजार ४ सय ५५ रुपैयाँमा कारोबार भएको थियो । 

तर, एक साताको बजार मूल्य विश्लेषण गर्दा साता भरीमा सुनको मूल्य तोलामा एक लाख १७ हजार ८ सय रुपैयाँबाट बढेर एक लाख १९ हजार ८ सय रुपैयाँ कायम भयो भने चाँदीको मूल्य तोलामा एक हजार ४ सय ५५ रुपैयाँबाट बढेर एक हजार ४८५ रुपैयाँ पुगेको छ ।