नेपाली कांग्रेसका नेता गगन थापाले मुलुकको उच्च शिक्षा अस्थव्यस्त हुनुको कारण राजनीतिक दलियकरण र भागबन्डा नै भएको स्वीकारेका छन् । उनले राजनीति गर्नेहरु नै दोषी भएको बताउँदै त्यसको प्रमुख कारण हो शिक्षामा भएको दलियकरण र विश्वविद्यालय नियुक्तिमा भएको भागबन्डा भएको बताएका छन् ।
उनले भने, ‘यसमा हामी सबै उत्तिकै दोषी छौँ। तर यसलाई अब सच्चाउन पर्छ।’
नेता थापाले देशकै जेठो र ठुलो त्रिभुवन विश्वविद्यालय र यसको उपकुलपति नियुक्ति पारदर्शी बनाएर
उच्च शिक्षा सुधार र हाम्रा गल्ती सच्चाउने कुराको प्रस्थान बिन्दु बनाउनु पर्ने जोड दिएका छन् ।
अब त्रिभुवन विश्वाबिधालयको उपकुलपति लगायतका अन्य नियुक्ति भागबन्डा र स्वार्थका आधारमा होइन, विश्वविद्यालय र उच्च शिक्षा सुधार गर्न सक्ने ज्ञान, सिप, दक्षता, कार्य योजना भएको व्यक्तिलाई नियुक्ति गर्न प्रधानमन्त्री प्रचण्डलाई भेटेर कुरा पनि गरिसकेको बताएका छन् ।
हामीले अब पनि यसो गरेनौँ भने, धेरै ढिला हुने सामाजिक सञ्जालमा आफ्नो विचार राखेका छन् ।
.gif)
