काठमाडौँ / एकर्ड फर्मास्युटिकल्सले तेस्रो वार्षिक साधारण सभा असोज २१ गते गर्ने निर्णय गरेको छ ।
कम्पनीको सञ्चालक समितिको भदौ २८ गते बसेको बैठकले साधारण सभाको मिति र स्थान तय गरेको हो । सभा बसेरा बुटिक होटल बबरमहल काठमाडौँमा दिउँसो १ बजे बाट सुरु हुने कम्पनीले जनाएको छ ।
कम्पनीको उक्त सभाले आईपीओ निष्काशन प्रस्ताव पारित गर्नेछ । यस्तै, सर्वसाधारणका लागि यसअघिकै साधारसभाबाट छुट्याइएको सेयरमा पूँजी वृद्धिका कारण हुन गएको संशोधनलाई अनुमोदन गर्नेछ । पूँजी वृद्धिपश्चात् कम्पनीको प्रबन्धपत्र तथा नियमावली संशोधनका लागि सञ्चालक समितिलाई अख्तियारी प्रदान गर्नेछ ।
कम्पनीको सभाले आर्थिक वर्ष २०७९र८० को सञ्चालक समितिको वार्षिक प्रतिवेदन र लेखापरीक्षको प्रतिवेदन पारित गर्नेछ । यस्तै, आर्थिक वर्ष २०८०र८१ को लागि लेखापरीक्षकको नियुक्ति र पारिश्रमीक निर्धारण गर्नेछ ।
कम्पनीले आईपीओ निष्काशनको अनुमति माग्दै नेपाल धितोपत्र बोर्डमा आवेदन पेश गरेको छ । कम्पनीले जारी पूँजीको १२ प्रतिशत अर्थात् ७ करोड ६ लाख ९० हजार ९ सय रुपैयाँ बराबरको आईपीओ निष्काशन गर्नेछ ।
कम्पनीको आईपीओ निष्काशन तथा बिक्री प्रबन्धकमा ग्लोबल आइएमई क्यापिटल रहेको छ । एकर्ड फर्मास्युटिकल्स औषधि उत्पादन गर्ने उद्योगका रुपमा सन् २०१३ मा दर्ता भएको कम्पनी हो ।
कम्पनीले काठमाडौँ उपत्यकामा ठूलो लगानी तथा अत्याधुनीक उपकरणसहित बृहत् उद्योग सञ्चालनमा ल्याएको थियो । कम्पनीले व्यावसायिक उत्पादन २०२१ देखि सुरु गरी व्यावसायिक कारोबार सुरु गरेको थियो ।
