काठमाडौँ / धरान उपमहानगरपालिकाका मेयर हर्क साम्पाङ्ग सिंहदरबार पुगेका छन् । मङ्गलबार धरानवासीको पानीको समस्या समाधानको माग गर्दै मेयर साम्पाङ्ग खानेपानी मन्त्रीलाई भेट्न सिंहदरबारस्थित मन्त्रालयमा पुगेका हुन् ।
उनी रित्तो गाग्री बोकेर सिंहदरबार प्रवेश गर्न लागेका थिए । उनको गाग्री भने प्रहरीले खोसेको छ । मेयर साम्पाङ्ग धरानवासीको खानेपानीको समस्या दीर्घकालीन समाधान गर्न माग गर्दै मन्त्रालयमा छलफलमा छन् ।
