छ वर्ष साइप्रस बसेर गाउँ फर्किएका पुजन र लक्ष्मी प्रधानको जोडी अहिले करिब ३० लाख लगानीमा बङ्गुरपालन सुरु गरेका थिए ।
व्यवसाय शुरु गरेको सात महिना भयो । अहिले ४२ बङ्गुर छन् ।
इलाम माईजोगमाई गाउँपालिका–४ नामसालिङका वैदेशिक रोजगारीबाट फर्किएपछि गाउँमै स्वरोजगार बनेका हुन् ।
‘लक्ष्मी पशुपालन बङ्गुर फार्म’ दर्ता गरेर सुरु गरिएको व्यवसायमा आम्दानी सुरु हुन अब तीन महिना लाग्छ ।
“अहिले ४२ बङ्गुर छन् । पाठा हालेको सात महिना भयो । अब तीन महिना पालेपछि बिक्री गर्न सकिन्छ”, लक्ष्मीले भनिन्, “पाठा हुर्किदै जाँदा लगानी बढ्दै गएको छ तर, बजार भाउ राम्रो छ ।
बेच्न समस्या हुँदैन”, राम्रो स्याहार पुगेको एउटा बङ्गुर सामान्यतया एक क्विन्टल (एक सय केजी) हुने उनको भनाइ छ।
इलामका बजारमा बङ्गुरको मासु हाल प्रतिकेजी र पाँच सयदेखि छ सयसम्म बिक्री भइरहेको छ ।
पशुपालन मात्रै होइन । पुजनका दुई वटा यात्रु गाडी छन् ।
फार्ममा लक्ष्मीसहित अन्य दुईजना खटिन्छन् भने पुजन गाडी लिएर जान्छन्
।
गत वर्ष गाउँमा आमा बिरामी परेपछि दुवैजना स्वदेश फर्किएको लक्ष्मीले बताइन् । “रोगले आमा बित्नुभयो । त्यसपछि विदेश जाने मन भएन ।
गाउँमै स्वरोजगार बन्ने सोचले पशुपालन सुरु गरेका हौँ”, उनको भनाइ छ, “पुर्खाले पनि बङ्गुर त पालेकै हुन् । तर, व्यावसायिक बन्न नसक्दा सधैँ निर्वाहमुखी हुनुपर्यो । विदेशमा पैसा कमाएर सहरमा घर किन्नुभन्दा गाउँमै व्यवसाय गर्दा अरुलाई पनि प्रोत्साहन मिल्छ भन्ने लाग्छ ।”
गाउँपालिकाका अध्यक्ष कुशबहादुर थेबे भन्छन्, ‘स्थानीय तहमै उद्यम गर्न चाहनेलाई प्रोत्साहन तथा सहयोग गर्छु ।
