काठमाडौँ / नेपाल विद्युत प्राधिकरणका कार्यकारी निर्देशक कुलमान घिसिङले इलेक्ट्रिकल इन्जिनियरहरूको लागी विद्युत प्राधिकरणलाई हब बनाउने बताएका छन् ।

आइतबार पुल्चोक इन्जिनियरिङ क्याम्पसमा भएको प्रयोगशाला उद्घाटन समारोहमा बोल्दै उनले विद्युत प्राधिकरणमा इलेक्ट्रिकल इन्जिनियरको अभाव भएको भन्दै हालसम्म इन्टनसिपका विद्ययार्थीहरूले प्राधिकरण चलाएको बताएका हुन् ।

उनले भने, ‘हाम्रो टेस्टिङ ट्रासफरहरू र वर्कसपहरू प्राय इन्टनसिपका विद्ययार्थीले नै चलाएका छन् । करिब १२/१५ सय जनाहरू इन्टनसिप हरेक लटमा चलिनै रहेको हुन्छ । इलेक्ट्रिकल इन्जिनियरहरूको लागि ६०÷७० सिट लोकसेवा मार्फत बिज्ञापन निकालेको छौं । विद्युत प्राधिकरणमा इलेक्ट्रिकल इन्जिनियरहरूको अभाव छ ।  इलेक्ट्रिकल इन्जिनियरहरूको लागि विद्युत प्राधिकरण एउटा ठूलो हब बन्छ, बनाउनुपर्छ ।’

उनले विद्युत प्राधिकरणले विभिन्न ठाउँमा वर्कसप, ट्रासफर्मल वर्कसप, टेस्टिङ ल्याबहरू स्थापना गरेको बताए ।  उनले स्थापना भएका ल्याबहरू अहिले अप्रेसनमा रहेको बताए । 

उनले भने, “विद्युत प्राधिकरणले प्रदेश/प्रदेशमा नेपालगञ्ज, बुटवल, विराटनगर,हेटौंडा काठमाडौँ लगायतका ठाउँहरूमा हाम्रो वर्कसप, ट्रासफर्मल वर्कसप, टेस्टिङ ल्याबहरू हाइ भोल्टिङ टेस्टिङ ३३के.बी सम्मको टेस्टिङ ल्यावहरूको स्थापना गरेर अहिले अप्रेसनमा छन् ।

विद्युत प्राधिकरणले इन्टनसिपको लागि सबैको लागि हुनेगरी, इलेक्ट्रिकल इन्जिनियरहरू र इलेक्ट्रिकल सम्बन्धि तीन तह चार तहका जति पनि आउँछन् । इन्टनसिप खोलेका छौँ ।  खाजा भत्ता दिएर खोलेका छौँ ।”