काठमाडौँ / रिटर्नी नेटवर्क नेपालका अध्यक्ष उत्तम अधिकारीले व्यक्ति व्यक्तिमा छरेर रहेका स–साना पूँजीहरूलाई एकीकृत रूपमा परिचालन गरे ठूलो कम्पनीको मालिक बन्न सकिने बताएका छन् ।
.gif)
आइतबार रिटर्नी नेटवर्क नेपाल सामुहिक उद्यमशीलताका लागि प्रोत्साहन तथा अभिमुखीकरण कार्यक्रममा बोल्दै उनले वैदेशिक रोजगारबाट प्राप्त भएको रेमिट्यान्सले देशका नागरिकहरूको लागि आय स्तरमा वृद्धि हुनु सकरात्मक भएको बताएका हुन् ।
उनले भने, “व्यक्ति व्यक्तिमा छरेर रहेका स-साना पूँजीहरूलाई एकिकृत रूपमा परिचालन गरेर ठूलो कम्पनीको मालिक बन्न सकिन्छ । वैदेशिक रोजगारबाट प्राप्त भएको रेमिट्यान्सले देशका नागरिकहरूको लागि आय स्तरमा भएको वृद्धि भएको छ । राष्ट्रिय पूँजी निर्माणमा रेमिट्यान्सले प्रदान गरेको सहयोग र देश विकासको चक्रमा रेमिट्यान्सबाट प्राप्त भएका पूँजीहरू लगानी भइरहेको सन्दर्भलाई हेर्ने हो भने यसलाई सकारात्मक मान्नुपर्छ ।”
साथै उनले पछिल्लो समय वैदेशिक रोजगारीमा जाने युवाहरूको संख्या दिनानुदिन बढ्दै गइरहेको बताए । उनले एक महिनामै ८५ हजार युवाहरू विदेश जानु हाम्रो देश अब कता जान्छ भन्ने प्रश्न उठेको बताए ।
