काठमाडौँ / दुई दिन उत्साहजनक रूपमा बढेको सेयर बजार आज भने ओरालो लागेको छ । बजार बढेसँगै नाफा बुक गर्नेहरू हाबी हुँदा आज नेप्से परिसूचक १४.४३ अङ्कले आरालो लागेको हो । 

नेप्से घटेसँगै आज कारोबार रकम पनि ५ अर्बमा सीमित भएको छ । मङ्गलबार ६ अर्ब बढीको कारोबार भएको बजारमा बुधबार भने ५ अर्ब ९५ करोड ३९ लाख ५० हजार रुपैयाँको कारोबार भएको हो । 

यो दिन नेप्से परिसूचक ०.५३ प्रतिशतले घटेर २ हजार ६७७.६२ बिन्दुमा झरेको नेप्सेले जनाएको छ । आज ३०५ धितोपत्रको १ करोड २० लाख ६९ हजार ८७८ कित्ता सेयर ५९ हजार ६९८ पटकमा खरिद बिक्री भएको छ । 

बुधबार सेन्सेटिभ इन्डेक्स २.४६ अङ्कले घटेर ४७८.८२ बिन्दुमा झरेको छ भने फ्लट इन्डेक्स १.१३ अङ्कले घटेर १८४.५९ बिन्दुमा झरेको छ ।

नेप्से घटेसँगै आज बजार पुँजीकरण रकम पनि ४२ अर्ब ६० अर्ब रुपैयाँमा सीमित भएको छ ।

बुधबार कारोबारमा आएका १३ ओटा समूहमध्ये तीन ओटाको परिसूचक मात्रै बढेको छ । जसमध्येमा होटल्स तथा पर्यटन समूहको परिसूचक सबैभन्दा बढी २.५२ प्रतिशतले बढेको हो । 

त्यस्तै, निर्जीबन बिमा समूहको परिसूचक ०.४९ प्रतिशत र व्यापार समूहको परिसूचक ०.३२ प्रतिशतले बढेको छ । 

यता, लगानी समूहको परिसूचक भने सबैभन्दा बढी १.४१ प्रतिशतले घटेको छ भने वित्त समूहको परिसूचक पनि १.०१ प्रतिशतले घटेको छ । त्यस्तै, जीवन बिमाको परिसूचक ०.९८ प्रतिशत, उत्पादन तथा प्रशोधन समूहको परिसूचक ०.९६ प्रतिशत, अन्य समूहको ०.७४ प्रतिशत, बैंकिङ उपसमूह र म्यचुअफ फण्ड समूहको परिसूचक ०.७२ प्रतिशतले घटेको छ । 

यो दिन दुई ओटा कम्पनीको सेयर मूल्यमा पोजेटिभ सर्किट लागेको छ भने चार ओटा कम्पनीको सेयर मूल्य ९ प्रतिशतभन्दा बढीले बृद्धि भएको छ । 

गुरासँ लघुवित्त वित्तीय संस्था र मिड सोलु हाइड्रोपावरको सेयर मूल्यमा आज पोजेटिभ सर्किट लागेको हो भने उपर स्याङ्गे हाइड्रोपावर, कुथेली बुखारी स्मल हाइड्रोपावर, सानिमा जिआइसी इन्स्योरेन्स र एक्सेल डेभलपमेन्ट बैंकको सेयर मूल्य ९ प्रतिशतभन्दा बढीले बृद्धि भएको छ । 

बुधबार जानकी फाइनान्सको सेयर मूल्य सबैभन्दा धेरै ४.९० प्रतिशतले घटेको छ भने लाइफ इन्स्योरेन्स कर्पोरेसन (नेपाल)को सेयर मूल्य पनि ४.८० प्रतिशतले घटेको छ ।

बुधबारको कारोबार रकममा सिइडिबी हाइड्रोपावर डेभलपमेन्ट कम्पनीको हिस्सा सर्वाधिक बढी देखिएको छ । यो कम्पनीको आज ३४ करोड १७ लाख ९७ हजार रुपैयाँ बराबरको सेयर कारोबार भएको हो । 

यसैगरी, सानिमा जिआइसी इन्स्योरेन्सको २६ करोड ५ लाख ५१ हजार रुपैयाँ र सोल्टी होटलको २० करोड ९८ लाख २६ हजार बराबरको कारोबार भएको छ ।