काठमाडौँ / कालीमाटी फलफूल तथा तरकारी बजार विकास समितिको मूल्यसूची अनुसार आज आलु, बोडी, ब्रोकाउली, लौका, स्कुस, काक्रो, सागलगायतका तरकारी र फलफूलको भाउ बढेको छ । यसअघि भारतीय आलुको भाउ ५६ रुपैयाँ रहेकोमा आज बढेर ५७ रुपैयाँ र मुडेको रातो आलु ७२ रुपैयाँ ६७ पैसा र ७७ रुपैयाँ ६७ पैसा कायम गरिएको छ । 

यसैगरी, लाम्चो भन्टाको भाउ बढेर प्रतिकेजी ६५ रुपैयाँ पुगेको छ भने तने बोडीको भाउ प्रतिकेजी ५५ रुपैयाँले बढेर १४५ रुपैयाँ, मकै बोडी ६५ रुपैयाँ, सिमी ६५ रुपैयाँ, लौका ४५ रुपैयाँ, हरियो डल्लो फर्सी ६५ रुपैयाँ, सखरखण्ड ९५ रुपैयाँ, स्कूस २७ रुपैयाँ ६७ पैसा, रायोको साग ९० रुपैयाँ, चमसूरको साग २२६ रुपैयाँ ६७ पैसा, तोरीको साग ७५ रुपैयाँ र ७५ रुपैयाँ निर्धारण गरिएको छ । 

यसैगरी, हरियो प्याजको भाउ बढेर प्रतिकेजी १७६ रुपैयाँ ६७ पैसा, ब्रोकाउली १४५ रुपैयाँ, जिरीको साग २२६ रुपैयाँ ६७ पैसा, कागती २३० रुपैयाँ, लोकल काक्रो १३५ रुपैयाँ, लप्सी ५५ रुपैयाँ, अमला ६५ रुपैयाँ र हरियो धनिया २२६ रुपैयाँ ६७ पैसा तोकिएको छ । 

विस्तृत तालिकामा हेर्नुस्