महेन्द्रनगर (धनुषा) / हालैको बाढीबाट मधेस प्रदेशमा रु ८० करोड ४५ लाख भन्दा बढीको क्षति भएको छ । मधेस प्रदेशका ऊर्जा, सिँचाइ तथा खानेपानी मन्त्रालयका सचिव जक्की अहम्द अन्सारीका अनुसार बागमती, लालबकैया, झाझ, लमहा र गुजरा खोलाको बाढीले सबैभन्दा बढी क्षति रौतहटमा भएको छ ।
यो क्षति रु १९ करोड ५० लाखभन्दा बढीको हो । सप्तरीको बलान, त्रियुगा, महुलीको बाढीले रु १२ करोड ८० लाख तथा धनुषामा रातु, चारनाथ, कमला, जल्लाद, औरही, खहरे र वडहरीको बाढीबाट रु ९ करोड ५० लाखको क्षति भएको छ ।
यसैगरी, सर्लाहीमा बागमती, लखनेहीसहितका खोलाको बाढीले रु ९ करोड २५ लाख, बारामा रु ८ करोड ५० लाख, सिरहामा रु ७ करोड ९० लाख, महोत्तरीमा ७ करोड ५० लाख र पर्सामा रु ५ करोड ५० लाखभन्दा बढीको क्षति भएको छ ।
बढीबाट क्षति भएका संरचनाको मर्मत सम्भारका लागि प्रदेश सरकारले ८ करोड निकासा गरेको छ।
.gif)
