काठमाडौँ / मुक्तिनाथ क्यापिटल लिमिटेडका शेयरधनीहरूले करसहित चुक्ता पुँजीको ७.५ प्रतिशत नगद लाभांश पाउने भएका छन् । कम्पनीको शुक्रबार सिद्धार्थ बुटिक होटल, बौद्ध, काठमाडौँमा सम्पन्न बार्षिक साधरणसभाले पारित गरेसँगै शेयरधनीहरूले लाभांश पाउने भएका हुन् ।
संस्थाका अध्यक्ष समिर शेखर बज्राचार्यको अध्यक्षतामा सम्पन्न सभाले लेखापरीक्षकको प्रतिबेदनसहितको २०८१ असार मसान्तको वासलात र सोही मितिमा समाप्त आ.व.२०८०/०८१ को नाफा नोक्सान हिसाब तथा नगद प्रबाह विवरण र सम्बन्धित अनुसूचीहरू छलफल गरी पारित गरेको छ ।
सभाले क्यापिटलका शेयरधनीहरुलाई चुक्ता पूँजीको ७.५ प्रतिशतका दरले नगद लाभांश (कर सहित) वितरण गर्ने प्रस्ताव समेत पारित गरेको छ ।
उक्त साधारण सभाले आ.व.२०८१/०८२ को लेखापरीक्षण गर्नका लागि नगरकोटी सुसन एण्ड एसोसियट्स, चाटर्ड एकाउण्टेन्ट्सलाई लेखापरीक्षकमा नियुक्ति तथा निजको पारिश्रमिक अनुमोदन गरेको छ ।
साथै, उक्त सभाले विशेष प्रस्ताव अन्तर्गत कम्पनीको नियमावलीमा आवश्यक संशोधन गर्ने प्रस्ताव समेत पारित गरेको छ ।
.gif)
