काठमाडौँ / कालीमाटी फलफूल तथा तरकारी बजार विकास समितिले आज आइतबारको मूल्यसूची प्रकाशित गरेको छ । जसअनुसार आज काठमाडौँको प्रमुख तरकारी बजारमा तरकारी र फलफूलको भाउ आकाशिएको छ । 

शनिबार प्रतिकेजी १०५ रुपैयाँ रहेको ठूलो भारतीय गोलभेडाको भाउ ११० रुपैयाँ, सानो लोकल गोलभेडा ७५ रुपैयाँ, टनेल गोलभेडा ९० रुपैयाँ, रातो आलु ७८ रुपैयाँ ३३ पैसा, मुडेको रातो आलु ७४ रुपैयाँ र सुकेको प्याज ११८ रुपैयाँ ३३ पैसा पुगेको छ । 

त्यस्तै, लोकल गाजरको भाउ प्रतिकेजी १९० रुपैयाँ, तराई गाजर १६० रुपैयाँ, लोकल बन्दा ८५ रुपैयाँ, तराई बन्दा ७० रुपैयाँ, स्थानीय काउली १४५ रुपैयाँ, हाइब्रीड सेतो मूला २७ रुपैयाँ ६७ पैसा, तने बोडी ११० रपैयाँ, मकै बोडी ९५ रुपैयाँ, तितो करेला ११० रुपैयाँ, लौका ९५ रुपैयाँ र घिरौला १५३ रुपैयाँ तोकिएको छ । 

यसैगरी हरियो फर्सी प्रतिकेजी ५५ रुपैयाँ, स्कूस ५५ रुपैयाँ, पालूगो साग १९० रुपैयाँ, तोरीको साग ९५ रुपैयाँ, हरियो प्याज २७६ रुपैयाँ ६७ पैसा, चुकुन्दर ९५ रुपैयाँ, सेलरी ७६ रुपैयाँ, पुदीना ७५ रुपैयाँ, गान्टे मूला ९५ रुपैयाँ, मौसम १२० रुपैयाँ, लोकल काक्रो ११० रुपैयाँ र हरियो खुर्सानी २३३ रुपैयाँ ३३ पैसा पर्नेछ । 
विस्तृत तालिकामा हेर्नुस्