काठमाडौँ / सुमेरु वचत तथा ऋण सहकारी संस्थाको वचत रकम दुरुपयोग सम्बन्धमा संसदीय छानविन विशेष समितिले शेयरसदस्य राजबहादुर सिंहसँग बयान लिएको छ ।
सुमेरू वचत तथा ऋण सहकारी संस्था पुल्चोकका शेयरसदस्य रहेका राजबहादुर सिंह पूर्वराजा ज्ञानेन्द्रका ज्वाईंसमेत हुन् ।
बयानमा सिंहले आफ्नो निजी सम्पत्तिबाट समेत वचतकर्ताको रकम फिर्ताको व्यवस्था थालनी गर्ने बताएको समितिका सभापति सूर्य थापाले जानकारी दिए ।
बयानका क्रममा सोही लक्ष्य अनुसार सहकारी संस्था पुनः सञ्चालन गर्ने योजनाका साथ नयाँ सञ्चालक समूह आएको सिंहले जानकारी गराएका छन् ।
२३ वर्षदेखि सञ्चालनमा रहेको उक्त सहकारीको पुल्चोक, धापाखेल, गठ्ठाघर शाखा र काठमाडौं महानगरपालिका कालिमाटीमा रहेको सोही नामको संस्थाले बचतकर्ताको १० अर्ब ३४ करोड ७ लाख ३९ हजार रुपैयाँ ठगी गरेको उजुरी परेको छ ।
उक्त रकम ठगेर सहकारीका अध्यक्ष भरत महर्जन बेलायतमा लुकेका छन् ।
उनलाई पक्राउ गर्न नेपाल प्रहरीले इन्टरपोलमार्फत डिफ्युजन नोटिस समेत जारी गरिसकेको छ ।
.gif)
