काठमाडौँ / मङ्गलबार अमेरिकी डलरदेखि युरोसम्मको भाउ घट्दा नेपाली मुद्रा बलियो बनेको छ । आज अमेरिकी एक डलरका लागि नेपाली १३३ रुपैयाँ ३४ पैसा खर्च गर्नुपर्नेछ जबकि सोमबार १३३ रुपैयाँ ८५ पैसा तोकिएको थियो । 

त्यस्तै, सोमबार अमेरिकी डलर एकको खरिदमा १३३ रुपैयाँ २५ पैसा रहेकोमा आज घटेर १३२ रुपैयाँ ७४ पैसा रहेको थियो । 

यसैगरी, युरोपियन युरो एकको खरिद मूल्य १४४ रुपैयाँ ४८ पैसा र बिक्री मूल्य १४५ रुपैयाँ १३ पैसा तोकिएकोमा आज खरिदमा घटेर १४३ रुपैयाँ ९२ पैसा र बिक्रीमा १४४ रुपैयाँ ५७ पैसा कायम गरिएको छ । 

यसैगरी युके पाउन्ड स्टर्लिङसमेत घटेर एकको खरिद दर १६८ रुपैयाँ ९९ पैसा र बिक्री दर १६९ रुपैयाँ ७६ पैसा कायम भएको छ। 

त्यस्तै, अष्ट्रेलियन डलरको भाउ समेत घटेको छ । यसअघि एकको खरिद दर ८८ रुपैयाँ ६५ पैसा र बिक्री दर ८९ रुपैयाँ ०५ पैसा रहेकोमा आज खरिद मूल्य ८८ रुपैयाँ ३३ पैसा र बिक्री मूल्य ८८ रुपैयाँ ७३ पैसामा झरेको छ । 

त्यस्तै, क्यानेडियन डलर एकको खरिदमा ९७ रुपैयाँ २६ पैसा र बिक्रीमा ९७ रुपैयाँ ७० पैसा र सिङ्गापुरे डलर एकको खरिद दर ९८ रुपैयाँ ३३ पैसा र बिक्री दर ९८ रुपैयाँ ७७ पैसा पर्नेछ । 

त्यस्तै, चाइनिज युआन एकको खरिद मूल्य १८ रुपैयाँ ३२ पैसा र बिक्री मूल्य १८ रुपैयाँ ४० पैसा, जापानिज येन १० को खरिदमा ८ रुपैयाँ ४७ पैसा र बिक्रीमा ८ रुपैयाँ ५१ पैसा, साउदी अरेवियन रियाल एकको खरिद दर ३५ रुपैयाँ ३९ पैसा र बिक्री दर ३५ रुपैयाँ ५५ पैसा निर्धारण गरिएको छ । 

यसैगरी, कतारी रियाल एकको खरिद दर ३६ रुपैयाँ ४२ पैसा र बिक्री दर ३६ रुपैयाँ ५८ पैसा, मलेसियन रिंग्गेट एकको खरिदमा २८ रुपैयाँ २० पैसा र बिक्रीमा २८ रुपैयाँ ३३ पैसा र साउथ कोरियन वन १०० को खरिद दर ९ रुपैयाँ ६४ पैसा र बिक्री दर ९ रुपैयाँ ६९ पैसा निर्धारण गरिएको छ । 

विस्तृत तालिकामा हेर्नुस्