काठमाडौँ / आइतबार सुनको भाउ रेकर्ड मूल्यबाट सामान्य घटेको छ ।
नेपाल सुनचाँदी व्यवसायी महासङ्घका अनुसार सुनको भाउ गत शुक्रबार हालसम्मकै सबैभन्दा बढी १ लाख ४२ हजार २ सय रुपैयाँ पुगेकोमा आज प्रतितोला २ सय रुपैयाँले घटेको हो ।
महासङ्घले आज नेपाली बजारका लागि छापावाल सुन प्रतितोला १ लाख ४२ हजार रुपैयाँ निर्धारण गरेको छ भने तेजावी सुन १ लाख ४१ हजार ३ सय रुपैयाँ तोकेको छ । यसअघि तेजावी सुन १ लाख ४१ हजार ५ सय रुपैयाँमा कारोबार भएको थियो ।
यता, चाँदीको भाउ भने आज तेस्रो कारोबार दिन पनि घटेको छ । बिहीबारदेखि प्रतितोला १ हजार ९ सय रुपैयाँ रहेको चाँदीको मूल्य त्यसयता भने घट्दो क्रममा रहेको छ ।
शुक्रबार प्रतितोला १ हजार ८ सय ७५ रुपैयाँ रहेको चाँदीको भाउ आज आइतबार प्रतितोला २५ रुपैयाँले घटेर १ हजार ८ सय ५० रुपैयाँ कायम भएको छ ।
.gif)
