काठमाडौँ / चैत महिनाको लागि हाल सञ्चालनमा रहेको अधिकांश वागिाज्य बैंकहरूले निक्षेपको ब्याजदर घटाएको छ । 

हाल सञ्चालनमा रहेका २० वाणिज्य बैंकहरूले सार्वजनिक गरेको आगामी महिनाका लागि पछिल्लो महिनाको मसान्त भित्र प्रस्तावित ब्याजदर अनुसार १७ वटा बैंकहरूले ब्याजदर घटाएर सार्वजनिक गरेको छ । एक बैंकले ब्याजदर बढाएको छ भने दुई बैंकले फागुन कै ब्याजदर काया गर्ने भएको हो । 

बैंकहरुद्वारा प्रस्तावित ब्याजदर अनुसार ओैसत ०.५० प्रतिशत विन्दुले ब्याजदर घटाएका छन् । फागुनका लागि बैंकहरुले व्यक्तिगत निक्षेपमा औसत ७.७५ प्रतिशत ब्याजदर प्रदान गरेका थिए । तर, चैतका लागि प्रस्तावित ब्याजदर औसत ७.२५ मा झरेको हो ।

यता, एनआईसी एसिया बैंकले भने फागुनको तुलनामा चैतमा व्यक्तिगत मुद्दती निक्षेपमा ब्याजदर बढाएको छ ।  सो बैंकले चैतदेखि लागू गर्नेगरी व्यक्तिगत मुद्दतीमा दिने ब्याजदर सबैभन्दा धेरै ८.५४८ प्रतिशत छ । यस्तै, प्रभु र ग्लोबल आईएमईले फागुनकै दरलाई निरन्तरता दिएका छन् ।